Tiger höggi yfir pari eftir fyrsta hring
Tiger Woods hefur lokið leik á opnunarhring Mastersmótsins í golfi.
Hann kláraði hringinn á 73 höggum, sem er eitt högg yfir pari. Hann fékk þrjá fugla og fjóra skolla á hringnum í dag.
Tiger Woods fires a 1-over-73 in the opening round of #themasters pic.twitter.com/8HUf1mfia2
— CBS Sports (@CBSSports) April 5, 2018
Woods er jafn í 26. sæti eins og staðan er þegar hann hætti. Hann hefur unnið mótið fjórum sinnum á ferlinum og er einn þriggja kylfinga í sögunni sem hefur unnið tvö ár í röð.
Hann hefur aðeins einu sinni farið undir 70 á Augusta National vellinum og síðast þegar hann vann mótið, árið 2005, fór hann fyrsta hringinn á 74 höggum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
