Alfreð fer með góða stöðu til Ungverjalands

Kiel vann sjö marka sigur á MOL-Pick Szeged, 29-22, í fyrri leik liðanna í 16-liða úrslitum Meistaradeildar Evrópu í handbolta. Leikið var í Þýskalandi í kvöld.

Fyrri hálfleikurinn var afar jafn og spennandi en þegar liðin gengu til búningsherbergja var staðan jöfn, 14-14. Flestir bjuggust því við jöfnum og spennandi síðari hálfleik en annað kom á daginn.

Lærisveinar Alfreðs Gíslasonar breyttu stöðunni úr 19-19 í 25-19 sér í vil. Kiel vann lokakaflann 10-3 og leikinn sjálfan með sjö mörkum, 29-22, og eru þeir í góðum málum fyrir síðari leikinn í Ungverjalandi sem fer fram 1. apríl.

Marko Vujin skoraði átta mörk fyrir Kiel og næstur kom Miha Zarabec. Bence Banhidi skoraði fimm mörk fyrir Szeged en Stefán Raf skoraði þrjú.