Skoða að greiða bréf í Kviku í arð til hluthafa Hörður Ægisson skrifar 28. febrúar 2018 07:00 Eign VÍS í Kviku er næststærsta hlutabréfaeign félagsins. Vísir/Anton Stjórn VÍS skoðar nú þann möguleika að hlutabréf tryggingafélagsins í Kviku banka verði greidd út að stórum hluta í formi sérstakrar arðgreiðslu til hluthafa. Slík ráðstöfun, ásamt öðrum leiðum sem eru til skoðunar til að ná fram frekari hagræðingu í fjármagnsskipan félagsins, gæti þá falist í því að hluthafar VÍS myndu fá afhentan samanlagt um 15 prósenta hlut í Kviku, samkvæmt heimildum Markaðarins. VÍS er langsamlega stærsti einstaki hluthafi fjárfestingabankans með 23,57 prósenta eignarhlut. VÍS kom fyrst inn í eigendahóp Kviku í ársbyrjun 2017 þegar félagið keypti tæplega 22 prósenta hlut í bankanum fyrir um 1.655 milljónir. Þremur mánuðum síðar stækkaði eignarhlutur félagsins um rúmlega þrjú prósent þegar VÍS keypti hlut Eignasafns Seðlabanka Íslands í bankanum. Í lok þriðja ársfjórðungs 2017 var hlutur tryggingafélagsins í Kviku metinn á 2.490 milljónir króna í bókum VÍS. Engin endanleg ákvörðun hefur hins vegar verið tekin af hálfu stjórnar VÍS um að leggja það til að bréfum félagsins verði að hluta til ráðstafað í formi arðgreiðslu til hluthafa. Þannig er talið afar ólíklegt, samkvæmt heimildum Markaðarins, að slík arðgreiðslutillaga muni á þessum tímapunkti verða lögð fram strax á aðalfundi VÍS í næsta mánuði. Uppgjör VÍS fyrir árið 2017 verður gert opinbert eftir lokun markaða í dag, miðvikudag. Eign VÍS í Kviku, sem er næststærsta hlutabréfaeign félagsins, var á þriðja ársfjórðungi í fyrra breytt úr því að vera stefnumarkandi fjárfesting í hefðbundið óskráð félag. Við þá breytingu þurfti tryggingafélagið að sama skapi að binda mun meira eigið fé vegna fjárfestingarinnar, eða 49 prósent í stað 22 prósenta, og þá lækkaði gjaldþolshlutfall VÍS einnig um átta punkta, í 1,49. Verði farin sú leið að bréf félagsins í Kviku verði greidd út í formi arðgreiðslu til hluthafa, þannig að hlutur VÍS fari undir tíu prósent og tryggingafélagið því ekki lengur með virkan eignarhlut í bankanum, þá mun VÍS ekki þurfa að binda jafn mikið eigið fé og áður vegna fjárfestingarinnar í Kviku.Stór hluthafi í bæði VÍS og Kviku Gríðarmikil viðskipti hafa verið með bréf í Kviku á síðustu mánuðum og misserum og hafa ýmsir fjárfestar meðal annars sýnt áhuga á að kaupa bréf VÍS í bankanum. Ljóst er að tryggingafélagið myndi innleysa mikinn gengishagnað ef það tæki ákvörðun um að selja bréf sín í dag. Þegar VÍS keypti tæplega 22 prósenta hlut sinn í fjárfestingabankanum fyrir meira en ári nam kaupverðið 5,4 krónum á hlut en í síðustu viðskiptum með bréf í bankanum hefur gengið verið um 6,6 krónur á hlut, samkvæmt heimildum Markaðarins. Kvika hefur gefið það út að félagið stefni að óbreyttu að skráningu hlutabréfa bankans á First North markaðinn í Kauphöllinni í næsta mánuði. Á meðal umsvifamestu hluthafa VÍS eru félög í eigu hjónanna Svanhildar Nönnu Vigfúsdóttur, stjórnarformanns VÍS, og Guðmundar Arnar Þórðarsonar með samtals um sjö prósenta hlut. Félag þeirra er einnig í hópi stærstu eigenda Kviku banka með 7,5 prósenta eignarhlut og þá er Guðmundur Örn varaformaður stjórnar bankans. Aðrir helstu hluthafar VÍS eru Lífeyrissjóður verslunarmanna, sem á 9,99 prósenta hlut, en sjóðurinn er auk þess þriðji stærsti hluthafinn í Kviku með tæplega níu prósent. Þá er vogunarsjóðurinn Landsdowne Partners á meðal stærstu hluthafa VÍS með 6,85 prósent en miðað við lista yfir tuttugu stærstu hluthafa eiga erlendir sjóðir samtals rúmlega 16 prósent í félaginu. Birtist í Fréttablaðinu Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Stjórn VÍS skoðar nú þann möguleika að hlutabréf tryggingafélagsins í Kviku banka verði greidd út að stórum hluta í formi sérstakrar arðgreiðslu til hluthafa. Slík ráðstöfun, ásamt öðrum leiðum sem eru til skoðunar til að ná fram frekari hagræðingu í fjármagnsskipan félagsins, gæti þá falist í því að hluthafar VÍS myndu fá afhentan samanlagt um 15 prósenta hlut í Kviku, samkvæmt heimildum Markaðarins. VÍS er langsamlega stærsti einstaki hluthafi fjárfestingabankans með 23,57 prósenta eignarhlut. VÍS kom fyrst inn í eigendahóp Kviku í ársbyrjun 2017 þegar félagið keypti tæplega 22 prósenta hlut í bankanum fyrir um 1.655 milljónir. Þremur mánuðum síðar stækkaði eignarhlutur félagsins um rúmlega þrjú prósent þegar VÍS keypti hlut Eignasafns Seðlabanka Íslands í bankanum. Í lok þriðja ársfjórðungs 2017 var hlutur tryggingafélagsins í Kviku metinn á 2.490 milljónir króna í bókum VÍS. Engin endanleg ákvörðun hefur hins vegar verið tekin af hálfu stjórnar VÍS um að leggja það til að bréfum félagsins verði að hluta til ráðstafað í formi arðgreiðslu til hluthafa. Þannig er talið afar ólíklegt, samkvæmt heimildum Markaðarins, að slík arðgreiðslutillaga muni á þessum tímapunkti verða lögð fram strax á aðalfundi VÍS í næsta mánuði. Uppgjör VÍS fyrir árið 2017 verður gert opinbert eftir lokun markaða í dag, miðvikudag. Eign VÍS í Kviku, sem er næststærsta hlutabréfaeign félagsins, var á þriðja ársfjórðungi í fyrra breytt úr því að vera stefnumarkandi fjárfesting í hefðbundið óskráð félag. Við þá breytingu þurfti tryggingafélagið að sama skapi að binda mun meira eigið fé vegna fjárfestingarinnar, eða 49 prósent í stað 22 prósenta, og þá lækkaði gjaldþolshlutfall VÍS einnig um átta punkta, í 1,49. Verði farin sú leið að bréf félagsins í Kviku verði greidd út í formi arðgreiðslu til hluthafa, þannig að hlutur VÍS fari undir tíu prósent og tryggingafélagið því ekki lengur með virkan eignarhlut í bankanum, þá mun VÍS ekki þurfa að binda jafn mikið eigið fé og áður vegna fjárfestingarinnar í Kviku.Stór hluthafi í bæði VÍS og Kviku Gríðarmikil viðskipti hafa verið með bréf í Kviku á síðustu mánuðum og misserum og hafa ýmsir fjárfestar meðal annars sýnt áhuga á að kaupa bréf VÍS í bankanum. Ljóst er að tryggingafélagið myndi innleysa mikinn gengishagnað ef það tæki ákvörðun um að selja bréf sín í dag. Þegar VÍS keypti tæplega 22 prósenta hlut sinn í fjárfestingabankanum fyrir meira en ári nam kaupverðið 5,4 krónum á hlut en í síðustu viðskiptum með bréf í bankanum hefur gengið verið um 6,6 krónur á hlut, samkvæmt heimildum Markaðarins. Kvika hefur gefið það út að félagið stefni að óbreyttu að skráningu hlutabréfa bankans á First North markaðinn í Kauphöllinni í næsta mánuði. Á meðal umsvifamestu hluthafa VÍS eru félög í eigu hjónanna Svanhildar Nönnu Vigfúsdóttur, stjórnarformanns VÍS, og Guðmundar Arnar Þórðarsonar með samtals um sjö prósenta hlut. Félag þeirra er einnig í hópi stærstu eigenda Kviku banka með 7,5 prósenta eignarhlut og þá er Guðmundur Örn varaformaður stjórnar bankans. Aðrir helstu hluthafar VÍS eru Lífeyrissjóður verslunarmanna, sem á 9,99 prósenta hlut, en sjóðurinn er auk þess þriðji stærsti hluthafinn í Kviku með tæplega níu prósent. Þá er vogunarsjóðurinn Landsdowne Partners á meðal stærstu hluthafa VÍS með 6,85 prósent en miðað við lista yfir tuttugu stærstu hluthafa eiga erlendir sjóðir samtals rúmlega 16 prósent í félaginu.
Birtist í Fréttablaðinu Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun