Lífið

Súmó-kappar berjast í „Slow mo“

Samúel Karl Ólason skrifar
Yama og Byama tóku nokkra slagi en á endanum lét Dan einnig til sín taka.
Yama og Byama tóku nokkra slagi en á endanum lét Dan einnig til sín taka.
Strákarnir í Slow mo guys fengu nýverið til sín tvo atvinnu-súmóglímumenn til þess að berjast fyrir framan háhraðamyndavélar. Slow Mo Guys hafa nú tekið höndum saman við Youtube og ætla sér að gera ný innslög sem bera hið frumlega heiti: Super Slow Show. Þar nota þeir myndavélar sínar til að ná nýjum hæðum í framleiðslu „Slow mo“ myndbanda.

Þeir hafa birt fjölmörg myndbönd á síðustu vikum. Þar á meðal hafa þeir leikið sér með byssur, rafmagn, áhættuatriði og ýmislegt fleira.

Nú fengu þeir til sín þá Yama, sem hefur tvisvar sinnum orðið heimsmeistari í Súmóglímu á 27 ára ferli sínum, og Byamba, sem hefur fjórum sinnum orðið heimsmeistari á 16 ára ferli. Saman vega þeir um 450 kíló.

Yama og Byama tóku nokkra slagi en á endanum lét Dan einnig til sín taka. Hann fékk vægast sagt að kenna á því í hringnum.


Tengdar fréttir






Fleiri fréttir

Sjá meira


×