Jón Arnór snýr aftur í kvöld | Sjáðu eftirminnilega endurkomu Jóns í fyrra

Jón Arnór Stefánsson snýr aftur á körfuboltavöllinn í kvöld er hann spilar með KR gegn Njarðvík í Dominos-deildinni.

Þetta verður fyrsti leikur Jóns Arnórs með KR í vetur en hann spilaði meiddur á EM og þurfti að fara í aðgerð er hann kom heim af mótinu.

Það er tæpt ár síðan Jón spilaði sinn fyrsta leik fyrir KR í sjö ár. Það var gegn Stólunum og fór Jón Arnór algjörlega á kostum í þeim leik og skoraði 33 stig. Þá geggjuðu endurkomu má sjá hér að neðan.

Fjórir leikir fara fram í Dominos-deildinni í kvöld og verða þeir allir í beinni textalýsingu á Vísi. Leikur ÍR og Tindastóls verður í beinni á Stöð 2 Sport.