Innlent

Leigja mögulega TF-SYN til útlanda

Atli Ísleifsson skrifar
TF-SYN er ein af þyrlum Landhelgisgæslunnar.
TF-SYN er ein af þyrlum Landhelgisgæslunnar. Vísir/stefán
Landhelgisgæslan kannar nú möguleika á að leigja TF-SYN, eina af þremur þyrlum sínum, til verkefna erlendis í tvo mánuði hið minnsta á þessu ári.

Þetta kemur fram í Morgunblaðinu í dag.

Með þessu hyggst Landhelgisgæslan bregðast við lækkun fjárheimilda, en með nýsamþykktum fjáraukalögum lækkaði Alþingi framlög til hennar um 61,4 milljónir króna fyrir árið 2017.

Þá lækka framlög til rekstrar Gæslunnar um 20,2 milljónir á milli ára í fjárlögum fyrir árið 2018.

Landhelgisgæslan hefur áður leigt skip, þyrlur og flugvélar sínar til verkefna erlendis.

Fjárlög

Mest lesið


Fleiri fréttir

Sjá meira


×

Mest lesið