Ómar Ingi stórkostlegur í sigri

Ómar Ingi Magnússon lék á alls oddi fyrir Århus þegar liðið lagði Mors-Thy Handbold, 33-28, í dönsku úrvalsdeildinni í handbolta. Ómar skoraði sex mörk úr vítum, en gaf þar að auki sjö stoðsendingar.

Selfyssingurinn ungi skoraði átta mörk úr tíu skotum og dró vagninn fyrir Árósarliðið sem var einu marki undir í hálfleik, 12-11.

Í síðari hálfleik snéru þeir taflinu við og unnu að lokum góðan fimm marka sigur á útivelli, 33-28. Sigvaldi Guðjónsson og Róbert Gunnarsson komust ekki á blað.

Århus er í fimmta sæti deildarinnar með 23 stig.