Níutíu og tveggja ára kona sem varði nóttinni í sjúkrarúmi á salerni Landspítalans er hvorki fyrsti né verður hún síðasti sjúklingurinn sem þarf að liggja þar inni, að sögn framkvæmdastjóra flæðissviðs spítalans, sem rætt verður nánar við í kvöldfréttum Stöðvar 2 kl. 18:30.
Einnig er rætt við borgarfulltrúa sem fjölluðu um mál Orkuveitu Reykjavíkur á borgarráðsfundi í dag en sitt sýnist hverjum um ágæti úttektar Innri endurskoðunar.
Við fjöllum um lausafjárvanda Íslandspósts, fjöllum áfram um þá skelfilegu stöðu sem er í Jemen og ræðum við Björn Leví Gunnarsson um einelti sem hann varð fyrir alla sína grunnskólagöngu.
Einnig fáum við að sjá frá íbúafundi í Reykjanesbæ í gær vegna kísilversins í Helguvík og við bregðum okkur á hestbak með samgönguráðherra og bæjarstjóra Garðabæjar.
Þetta og margt fleira í kvöldfréttum í opinni dagskrá og á samtengdum rásum á Stöð 2, Bylgunni og Vísi kl. 18:30.
Innlent
