Trump hyggst ekki minnka notkun sína á samfélagsmiðlum

Forseti Bandaríkjanna, Donald Trump, hyggst ekki minnka notkun sína á samfélagsmiðlum. Sætti hann talsverði gagnrýni fyrir Twitter-storm sinn í síðustu viku sem beindist að tveimur sjónvarpsmönnum MSNBC.

Fjölmargir, þar á meðal Repúblikanar, gagnrýndu Trump fyrir tístin. Þannig bað einn öldungadeildarþingmaður Repúblikanaflokksins forsetann um að einfaldlega hætta þar sem þetta væri ekki eðlilegt.

Trump varði hegðun sína á samfélagsmiðlum í röð tísta seint í gærkvöldi. Telur hann að samfélagsmiðlar hafi gefið honum tækifæri til að ná beint til almennings. Segir hann að notkun hans á þeim sé ekki í anda forseta, heldur nútíma forseta.

„Falskar fréttir og sviksamlegir fjölmiðlar eru að vinna hörðum höndum við að sannfæra Repúblikana um að fá mig til að hætta á samfélagsmiðlum - en munið, ég vann,“ sagði Trump á Twitter. 

Donald Trump er með rúmlega 33 milljónir fylgjenda á Twitter.