Vignir hjá Team Tvis Holstebro þar til hann verður 39 ára

Vignir Svavarsson hefur framlengt samning sinn við Team Tvis Holstebro til ársins 2019.

Línumaðurinn öflugi verður því hjá danska liðinu þar til hann verður 39 ára.

Vignir er á sínu öðru tímabili hjá Holstebro. Hann kom til liðsins frá Midtjylland. Vignir hefur einnig leikið með Skjern í Danmörku, Lemgo, Hannover-Burgdorf og Minden í Þýskalandi og Haukum hér á landi.

Vignir hefur skorað 26 mörk í 11 leikjum með Holstebro á tímabilinu. Fimm þeirra komu í 26-24 sigri á Aalborg í gær.

Holstebro situr í 4. sæti dönsku deildarinnar með 14 stig, tveimur stigum á eftir GOG og Bjerringro-Silkeborg sem eru í tveimur efstu sætunum.