Neil Patrick Harris og Corden kepptu um hvor væri meiri söngleikjanörd

Breski þáttastjórnandinn James Corden og leikarinn Neil Patrick Harris keppti í heldur sérstakri keppni í þætti Corden í vikunni. Keppt var um hver væri meiri sérfræðingur í söngleikjum og framkomu tengdum þeim.

Harris hefur ítrekað verið kynnir á Tony verðlaununum, sem eru leikhúsverðlaunin í Bandaríkjunum og var James Corden kynnir á þeim í ár. Þeir hafa báðir unnið Tony-verðlaun og var keppnin því grjóthörð.

Hér að neðan má sjá hvernig til tókst hjá þeim félögum en heyra má þá taka lög úr Les Miserables, Chicago og Hedwig and the Angry Inch en Harris lék aðalhlutverkið í þeirri sýningu.

Undir lokin tóku þeir saman lagið My Shot úr söngleiknum Hamilton sem sló í gegn um heim allan.