Alvarlegt umferðarslys við Laxárbrú

Alvarlegt umferðarslys varð við Laxárbrú í í Leirársveit, milli Hvalfjarðar og Borgarfjarðar, þar sem tveir bílar rákust saman.

Frá þessu greinir Þráinn Ólafsson, slökkviliðsstjóri á Akranesi.

Ekki er vitað að svo stöddu hve margir voru í bílunum. Miklar umferðartafir eru vegna þessa og hafa ökumenn verið beint um hjáleið framhjá slysstaðnum.

Að sögn sjónvarvotta eru þrír sjúkrabílar, tækjabíll slökkviliðs og tveir lögreglubílar á vettvangi.

Uppfært 19:10:

Í frétt Skessuhorns segir að jeppi og jepplingur hafi skollið saman, en við það skullu bílarnir út í vegrið en stöðvuðust inni á veginum. „Sex manns voru í bílunum og voru þrír fluttir með þyrlu Landhelgisgæslunnar á sjúkrahús í Reykjavík en aðrir þrír voru fluttir með sjúkrabílum.“