Innlent

Iðunn aðstoðar Svandísi

Daníel Freyr Birkisson skrifar
Iðunn Garðarsdóttir.
Iðunn Garðarsdóttir. Velferðarráðuneytið
Iðunn Garðarsdóttir hefur verið ráðin nýr aðstoðarmaður Svandísar Svavarsdóttur heilbrigðisráðherra. Þetta kemur fram í tilkynningu velferðarráðuneytisins.

Iðunn er fædd í Reykjavík árið 1989. Hún er stúdent frá Menntaskólanum við Hamrahlíð, lauk BA-prófi í íslensku frá Háskóla Íslands árið 2013, BA-prófi í lögfræði frá sama skóla árið 2015 og meistaraprófi í lögfræði frá Háskóla Íslands vorið 2017. Iðunn hefur starfað sem lögfræðingur hjá lögmannsstofunni Juris en lætur nú af störfum þar til að gegna starfi aðstoðarmanns.

Hún var virk í starfi Röskvu innan Háskóla Íslands, var formaður félagsins árin 2012-2013 og sat í Stúdentaráði og Háskólaráði fyrir hönd fylkingarinnar. Hún situr í málnefnd Háskóla Íslands.

Auk þess var hún fyrsti varaþingmaður VG í Reykjavík norður á síðastliðnu þingi og situr í flokksráði Vinstrihreyfinginnar - græns framboðs.

Hún er í sambandi með Skúla Arnlaugssyni.

Samkvæmt heimildum fréttastofu mun Svandís koma til með að ráða annan aðstoðarmann en ekki hefur verið greint frá því hver það verður.

Iðunn greindi einnig frá tíðindunum á Twitter-síðu sinni í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.