Svartfjallaland síðasta liðið inn í sextán liða úrslitin á HM kvenna

Svartfjallaland varð í dag sextánda og síðasta liðið sem tryggði sér sæti í útsláttarkeppnini á heimsmeistaramóti kvenna í handbolta.

Rúmenía og Þýskaland töpuðu bæði sínum fyrsta leik á mótinu í lokaumferðinni í en tapið skipti þær rúmensku engu máli.

Svartfjallaland nægði 23-23 jafntefli á móti Brasilíu til að komast í hóp fjögurra efstu þjóðanna í sínum riðli en Brasilía setur hinsvegar eftir.

Svartfjallaland var fyrir leikinn með eins stigs forskot á Brasilíu í baráttunni um fjórða sætið en Japan tryggði sig áfram úr C-riðlinum með sigri á Túnis fyrr í dag.

Hollensku stelpurnar fóru illa með heimakonur í Þýskalandi og unnu átta marka sigur í lokaleik liðanna í D-riðli. Þetta var fyrsta tap þýska liðsins á mótinu en liðið hafði áður gert jafntefli við Serbíu.

Holland gerði einnig jafntefli við Serbíu en hefur tekið sjö af átta stigum í boði eftir tap á móti Suður-Kóreu í fyrsta leik. Hollenska liðið vann 31-23 í kvöld en liðið var með mikla yfirburði nær allan leikinn.

Holland fer upp í efsta sæti riðilsins eftir þennan sigur en bæði Serbía og Suður Kórea geta tekið toppsætið af þeim hollensku seinna í kvöld.

Ungverjar tryggðu sér þriðja sætið í B-riðli, riðli Norðmanna, eftir eins marks sigur á Tékkum, 30-29.

Rúmensku stelpurnar höfðu unnið fjóra fyrstu leiki sína þegar kom að leiknum við Frakka í dag en steinlágu með níu marka mun í honum. 26-17. Rúmenar voru öryggir með efsta sætið í A-riðli fyrir leikinn en bæði Slóvenía og Spánn gætu tekið annað sætið af Frökkum þegar þau mætast seinna í kvöld.



Úrslitin á HM kvenna í handbolta í dag:

A-riðill

Angóla - Paragvæ 32-28

Frakkaland - Rúmenía  26-17

Spánn - Slóvenía Í kvöld

Stig þjóða:

Rúmenía 8

Frakkland 7

Slóvenía 6 (Eiga leik inni í kvöld)

Spánn 5(Eiga leik inni í kvöld)

Angóla 2

Paragvæ 0

B-riðill

Argentína - Pólland 20-38

Tékkland - Ungverjaland 29-30

Noregur - Svíþjóð Í kvöld

Stig þjóða:

Noregur  8 (Eiga leik inni í kvöld)

Svíþjóð  6 (Eiga leik inni í kvöld)

Ungverjaland 6

Pólland 4

Tékkland  4

Argentína 0

C-riðill

Japan - Túnis 31-13

Brasilía - Svartfjallaland 23-23

Danmörk - Rússland Í kvöld

Stig þjóða:

Rússland  8  (Eiga leik inni í kvöld)

Danmörk  8  (Eiga leik inni í kvöld)

Japan 5

Svartfjallaland 5

Brasilía 4

Túnis 0

D-riðill

Kína - Kamerún 26-26

Holland - Þýskaland 31-23

Serbía - Suður Kórea Í kvöld

Stig þjóða:

Holland  7

Þýskaland  7

Serbía  6  (Eiga leik inni í kvöld)

Suður Kórea  6 (Eiga leik inni í kvöld)

Kamerún 1

Kína 1