Piana stundaði það að sniffa örvandi fæðubótarefni

Dægurmálarisinn TMZ greinir frá því að vaxtaræktarkappinn Rich Piana hafa stundað það að taka örvandi efni í nefið fyrir æfingar. Um er að ræða örvandi fæðubótarefni sem kallast „pre-workout“ og margir Íslendingar sem stunda líkamsrækt kannast vel við. Venjan er að blanda efninu saman við vatn og drekka það.

Piana lést í ágúst eftir að hafa verið haldið sofandi í öndunarvél í 18 daga. Sara Heimisdóttir, fyrrverandi eiginkona hans, greindi frá andláti Rich Piana á sínum tíma á Facebook.

Talið er að ástæðan fyrir andláti Piana hafi verið of stór lyfjaskammtur en hvítt duft fannst inni í íbúð hans.

Duftið var af tegundinni CON-CRET PRE workout sem er mjög örvandi. Fram kemur í grein TMZ að Piana hafi stundað það að sniffa slík efni. Einnig fundust tuttugu flöskur af steraefni inni í íbúðinni en Piana var 46 ára þegar hann lést.