Erlent

Spicer sagður hafa stolið kæli af lægra settum starfsmanni Hvíta hússins

Erna Agnes Sigurgeirsdóttir skrifar
Fróðlegt verður að fylgjast með gangi mála.
Fróðlegt verður að fylgjast með gangi mála. Vísir/AFP
Sean Spicer, fyrrverandi upplýsingafulltrúi Hvíta hússins, hefur verið gefið að sök að hafa stolið litlum kæli frá lægra settum starfsmanni Hvíta hússins. Þetta kom í ljós stuttu eftir að Spicer tilkynnti að hann myndi láta af störfum eftir aðeins sex mánuði í starfi. Independent greinir frá.

Spicer hafði haft augastað á kælinum, sem notaður var af rannsóknarteymi Hvíta hússins, í dágóðan tíma eða um mánuði eftir að hann tók við starfi sínu. Hafði hann meðal annars beðið sérstaklega um að kælirinn yrði færður til sín þannig að hann hefði stað til að geyma mat og drykki á skrifstofu sinni.

Starfsmaðurinn og samstarfsmenn hans í rannsóknarteyminu vildu þó ekki láta kælinn af hendi.

Ekki líkaði Spicer það og sást hann draga kælinn niður eftir heimreið Hvíta hússins eftir að teymið hafði farið heim.

Blaðamaðurinn Ian Crouch hjá The New Yorker hefur komið fram með þá kenningu að Spicer hafi verið hræddur við að segja upp störfum sínum sem upplýsingafulltrúi af því að hann hafi vitað að þá myndi sagan af honum og kælinum fara á flug.

Mest lesið


Fleiri fréttir

Sjá meira


×

Mest lesið