Tveir stöðvaðir grunaðir um akstur undir áhrifum fíkniefna

Tveir voru stöðvaðir grunaðir um akstur undir áhrifum fíkniefna í nótt. Þá fór samkvæmi úr böndunum í Garðabæ en frá þessu var greint í dagbók lögreglu höfuðborgarsvæðisins.

Á þriðja tímanum í nótt var óskað eftir aðstoð lögreglu við að stöðva partí sem farið hafði úr böndunum í Garðabæ. Skömmu fyrr var tilkynnt um óboðna gesti í sundlaug í Kópavogi.

Annar ökumannanna sem stöðvaður var vegna gruns um akstur undir áhrifum fíkniefna var vistaður í fangageymslu en hinum var sleppt að lokinni blóðtöku.