Íslenskir fjárfestar hafa augastað á Seachill Kristinn Ingi Jónsson skrifar 13. júní 2017 07:00 Smásölukeðjan Tesco, sem er sú stærsta í Bretlandi, er helsti viðskiptavinur Seachill, bresks dótturfélags Icelandic Group, og er sögð þurfa að leggja blessun sína yfir nýjan eiganda félagsins. vísir/epa Íslenskur fjárfestahópur sem festi nýlega kaup á dótturfélagi Icelandic Group í Belgíu hefur lagt fram kauptilboð í Seachill, dótturfélag Icelandic í Bretlandi, samkvæmt heimildum Fréttablaðsins. Stór erlend sjávarútvegsfyrirtæki sem og alþjóðlegir fjárfestingarsjóðir hafa einnig sýnt félaginu áhuga. Stjórn Icelandic Group, sem er að fullu í eigu Framtakssjóðs Íslands, ákvað í apríl síðastliðnum að hefja söluferli á Seachill. Félagið, sem var stofnað árið 1998, er leiðandi framleiðandi kældra fiskafurða inn á breska smásölumarkaðinn, en tekjur þess námu um 266 milljónum punda, sem jafngildir um 33,4 milljörðum króna, í fyrra.Samkvæmt heimildum Fréttablaðsins hefur íslenska fjárfestahópnum, sem samanstendur meðal annars af Akri fjárfestingum, fagfjárfestasjóði í rekstri Íslandssjóða, og sjávarútvegsfélögunum Sæmarki-sjávarafurðum og Fishproducts Iceland, verið hleypt áfram í aðra umferð söluferlisins. Sami hópur keypti belgíska félagið Gadus af Icelandic fyrr á árinu, en við það tilefni sagði Herdís Dröfn Fjeldsted, stjórnarformaður Icelandic, að aðkoma Íslendinga í sjávarútvegi að Gadus væri mjög jákvætt skref og gæfi félaginu enn frekari tækifæri til að efla ímynd og verðmæti íslenskra sjávarafurða í Mið-Evrópu. Fréttavefurinn Undercurrent News greindi frá því í síðustu viku að kanadíska félagið Cooke Aquaculture og breska félagið Young’s Seafood hefðu einnig lagt fram óskuldbindandi tilboð í Seachill. Það sama ætti við um fjárfestingarsjóði í Evrópu og Bandaríkjunum. Ekki er talið að söluferlinu ljúki fyrr en síðar í sumar. Í frétt Undercurrent News segir að kaupverðið á Gadus hafi numið allt að fjörutíu milljónum evra, eða 4,4 milljörðum króna, sem er um áttfaldur rekstrarhagnaður félagsins fyrir afskriftir, fjármagnsliði og skatta (EBIDTA). EBIDTA Seachill nam um 10,4 milljónum punda, sem jafngildir um 1,3 milljörðum króna, í fyrra þannig að ætla má að mögulegt kaupverð á félaginu geti numið yfir tíu milljörðum króna. Vöxtur Seachill frá stofnun hefur að miklu leyti byggst á nánu samstarfi við Tesco, stærstu smásölukeðju Bretlands, en félagið hefur lengi séð Tesco fyrir fjölbreyttu úrvali sjávarafurða. Í frétt Undercurrent News er fullyrt að Tesco verði að leggja blessun sína yfir kaupin á Seachill áður en þau geti orðið að veruleika. Finna megi ákvæði í langtímasamningi Tesco og Seachill þess efnis að Tesco geti sagt samningnum upp ef keðjunni líst illa á nýjan eiganda. Seachill á einnig fiskréttaframleiðandann The Saucy Fish Co sem notið hefur mikilla vinsælda í Bretlandi á síðustu árum. Starfsmenn Seachill eru um 750 talsins og eru höfuðstöðvar félagsins í Grimsby. Söluferlið er í höndum Íslandsbanka og Oghma Partners. Birtist í Fréttablaðinu Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Hinn almenni borgari þurfi ekki að dæla í sig steinefnum Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira
Íslenskur fjárfestahópur sem festi nýlega kaup á dótturfélagi Icelandic Group í Belgíu hefur lagt fram kauptilboð í Seachill, dótturfélag Icelandic í Bretlandi, samkvæmt heimildum Fréttablaðsins. Stór erlend sjávarútvegsfyrirtæki sem og alþjóðlegir fjárfestingarsjóðir hafa einnig sýnt félaginu áhuga. Stjórn Icelandic Group, sem er að fullu í eigu Framtakssjóðs Íslands, ákvað í apríl síðastliðnum að hefja söluferli á Seachill. Félagið, sem var stofnað árið 1998, er leiðandi framleiðandi kældra fiskafurða inn á breska smásölumarkaðinn, en tekjur þess námu um 266 milljónum punda, sem jafngildir um 33,4 milljörðum króna, í fyrra.Samkvæmt heimildum Fréttablaðsins hefur íslenska fjárfestahópnum, sem samanstendur meðal annars af Akri fjárfestingum, fagfjárfestasjóði í rekstri Íslandssjóða, og sjávarútvegsfélögunum Sæmarki-sjávarafurðum og Fishproducts Iceland, verið hleypt áfram í aðra umferð söluferlisins. Sami hópur keypti belgíska félagið Gadus af Icelandic fyrr á árinu, en við það tilefni sagði Herdís Dröfn Fjeldsted, stjórnarformaður Icelandic, að aðkoma Íslendinga í sjávarútvegi að Gadus væri mjög jákvætt skref og gæfi félaginu enn frekari tækifæri til að efla ímynd og verðmæti íslenskra sjávarafurða í Mið-Evrópu. Fréttavefurinn Undercurrent News greindi frá því í síðustu viku að kanadíska félagið Cooke Aquaculture og breska félagið Young’s Seafood hefðu einnig lagt fram óskuldbindandi tilboð í Seachill. Það sama ætti við um fjárfestingarsjóði í Evrópu og Bandaríkjunum. Ekki er talið að söluferlinu ljúki fyrr en síðar í sumar. Í frétt Undercurrent News segir að kaupverðið á Gadus hafi numið allt að fjörutíu milljónum evra, eða 4,4 milljörðum króna, sem er um áttfaldur rekstrarhagnaður félagsins fyrir afskriftir, fjármagnsliði og skatta (EBIDTA). EBIDTA Seachill nam um 10,4 milljónum punda, sem jafngildir um 1,3 milljörðum króna, í fyrra þannig að ætla má að mögulegt kaupverð á félaginu geti numið yfir tíu milljörðum króna. Vöxtur Seachill frá stofnun hefur að miklu leyti byggst á nánu samstarfi við Tesco, stærstu smásölukeðju Bretlands, en félagið hefur lengi séð Tesco fyrir fjölbreyttu úrvali sjávarafurða. Í frétt Undercurrent News er fullyrt að Tesco verði að leggja blessun sína yfir kaupin á Seachill áður en þau geti orðið að veruleika. Finna megi ákvæði í langtímasamningi Tesco og Seachill þess efnis að Tesco geti sagt samningnum upp ef keðjunni líst illa á nýjan eiganda. Seachill á einnig fiskréttaframleiðandann The Saucy Fish Co sem notið hefur mikilla vinsælda í Bretlandi á síðustu árum. Starfsmenn Seachill eru um 750 talsins og eru höfuðstöðvar félagsins í Grimsby. Söluferlið er í höndum Íslandsbanka og Oghma Partners.
Birtist í Fréttablaðinu Mest lesið „Krakkar sem gistu hjá okkur vissu ekki hvað var að gerast!“ Atvinnulíf Icelandair segir upp 57 flugmönnum Viðskipti innlent Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Hinn almenni borgari þurfi ekki að dæla í sig steinefnum Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur Leiðtogakulnun: Þegar yfirmaðurinn er alveg búinn á því Atvinnulíf „Sársaukafullt að sjá“ IKEA vasa dýrari í Góða hirðinum Neytendur Danir höndla ekki kóresku pakkanúðlurnar Viðskipti erlent Fleiri fréttir Icelandair segir upp 57 flugmönnum Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Sjá meira