Stofnaður styrktarreikningur fyrir fjölskyldu Mikaels Rúnars

Stofnaður hefur verið styrktarreikningur fyrir fjölskyldu Mikaels Rúnars sem lést af slysförum um liðna helgi. Mikael Rúnar Jónsson var fæddur 2. Janúar 2006.

Þá hefur verið efnt til bænastundar í Hveragerðiskirkju annað kvöld klukkan 18 til minningar um Mikael Rúnar.

Slysið varð á laugardagskvöld þegar Mikael Rúnar, sem virðist hafa verið einn að leik, klemmdist af vörulyftu á vöruflutningabíl við heimili hans þar.

Tilkynning um slysið barst Neyðarlínunni klukkan 22.37 á laugardagskvöld. Lögregla og sjúkralið fór þegar á staðinn en tilraunir til endurlífgunar drengsins báru ekki árangur og var hann úrskurðaður látinn á vettvangi.

Skólasystkini Mikaels í grunnskóla Hveragerðis hafa fengið áfallahjálp.

„Það hefur verið unnið í skólanum samkvæmt áfallaáætlun sem var virkjuð strax á sunndaginn og unnið er eftir henni,“ segir Jón Ragnarsson, sóknarprestur Hveragerðiskirkju, í samtali við Vísi.

Hann segir slysið hafa áhrif á alla í bænum og gerir ráð fyrir að allir sem geti muni mæta á bænastundina annað kvöld.

„Fólk er, þetta hefur áhrif á alla en fólk heldur áfram með lífið líka. Það er engin móðursýki í gangi í bænum.“

Þeir sem vilja og geta styrkt fjölskylduna geta lagt inn á reikning: 314-26-2200 kt. 180567-5859