Banaslys í Hveragerði

Banaslys varð í gærkvöldi í Hveragerði þar sem drengur fæddur árið 2006, sem virðist hafa verið einn að leik, klemmdist af vörulyftu á vöruflutningabíl við heimili hans þar.

Tilkynning um slysið barst Neyðarlínunni klukkan 22.37 í gærkvöldi. Lögregla og sjúkralið fór þegar á staðinn en tilraunir til endurlífgunar drengsins báru ekki árangur og var hann úrskurðaður látinn á vettvangi.

Tildrög slyssins eru til rannsóknar hjá rannsóknardeild lögreglunnar á Suðurlandi og tæknideild lögreglunnar á höfuðborgarsvæðinu, að því er segir í tilkynningu frá lögreglunni á Suðurlandi.