Fjölmenni minntist Mikaels í Hveragerði

Vinir, ættingjar og íbúar í Hveragerði og nærsveitum komu saman í Hveragerðikirkju í gær þar sem efnt var til bæna- og minningarstundar um Mikael Rúnar Jónsson sem lést af slysförum síðustu helgi.

„Þetta var kyrrlát og góð stund,“ segir Jón Ragnarsson, sóknarprestur Hveragerðiskirkju, í Fréttablaðinu í dag.

Slysið varð á laugardagskvöld þegar drengurinn ungi, sem virðist hafa verið einn að leik, klemmdist af vörulyftu á vöruflutningabíl á heimili hans í Hveragerði.

Stofnaður hefur verið styrktarreikningur fyrir fjölskyldu Mikaels Rúnars sem var ellefu ára.

Þeir sem vilja og geta styrkt fjölskylduna geta lagt inn á reikning: 314-26-2200 kt. 180567-5859