Mótmælti Farage á frumlegan hátt

Breskur þingmaður á Evrópuþinginu beitti nokkuð nýmóðins aðferð til að mótmæla ræðu Nigel Farage á þinginu í gær. Á meðan Farage varði „múslimabann“ Donald Trump á þinginu í Brussel hélt Seb Dance uppi blaði fyrir aftan Farage.

„Hann er að ljúga að ykkur,“ stóð á skiltinu.

Farage sakaði samstarfsmenn sína um að vera fullir haturs gagnvart Bandaríkjunum og að ESB væri í eðli sínu and-Bandaríkjaismi. Hann sagði vin sinn Donald Trump vera með það eina markmið að verja borgara Bandaríkjanna gegn íslömskum hryðjuverkamönnum.

Aðspurður út í blaðið og mótmæli sín, sagði Seb Dance að stjórnmálamenn þyrftu að sýna meiri vilja í að standa í hárinu á þjóðernissinnum og popúlistum.

Hann sagði slíka menn þykjast standa fyrir fólk sem þjáist en umræða þeirra, hatur, sundrung og grunnsemdir söpuðu einungis þjáningar og fátækt.

„Það er kominn tími til að segja hlutina umbúðalaust. Þeir eru lygarar.“