Disney birtir fyrstu myndina af hinni nýju Mary Poppins

Breska leikkonan Emily Blunt fer með hlutverk hinnar goðsagnakenndu Mary Poppins í kvikmyndinni Mary Poppins Returns, eða Mary Poppins snýr aftur, sem væntanleg er í lok árs.

Í myndinni eru Jane og Michael Banks orðin fullorðin og fá heimsókn frá sinni gömlu fóstru Mary Poppins eftir áfall í fjölskyldunni.

Emily Blunt fetar í fótspor Julie Andrews í myndinni og hefur mikil leynd verið yfir henni hingað til. Nú hefur Disney hins vegar birt fyrstu myndina af Blunt í gervi Poppins.

Ásamt Blunt skartar myndin einvala liði leikara. Pulitzer verðlaunahafinn Lin-Manuel Miranda mun fara með hlutverk Jack, sem er talið að sé hliðstæða Bertie úr upprunalegu myndinni. Dick Van Dyke, sem lék Bertie, mun einnig birtast í nýju myndinni ásamt Colin Firht, Angelu Lansbury, Meryl Streep og Julie Walters.

Here's your first look at Emily Blunt as Mary Poppins in "Mary Poppins Returns," coming to theatres December 25, 2018. pic.twitter.com/NSEFZcsbaK

— Walt Disney Studios (@DisneyStudios) March 3, 2017