Róbert og Brynhildur segja sig úr Bjartri framtíð

Þau Róbert Marshall og Brynhildur Pétursdóttir, fyrrverandi þingmenn Bjartrar framtíðar, sögðu sig úr flokknum í morgun. Bæði segja þau ákvörðunina ekkert hafa að gera með stjórnarmyndunarviðræður flokksins við Viðreisn og Sjálfstæðisflokks heldur ætli þau að snúa sér að öðrum verkefnum.

Greint er frá þessu á vef RÚV en þar kemur jafnframt fram að Róbert ætli aftur til starfa í verkefnum tengdum fjölmiðlum, en hann var þekktur fjölmiðlamaður áður en hann tók sæti á þingi. Þá ætlar Brynhildur, sem áður starfaði hjá Neytendasamtökunum, að snúa sér að verkefnum tengdum neytendamálum.

Róbert settist fyrst á þing árið 2009, þá fyrir Samfylkinguna. Hann bauð sig svo fram fyrir Bjarta framtíð árið 2013 og sat á þingi þar til í haust. Byrnhildur sat á þingi fyrir flokkinn frá 2013 til 2016.