„Stefán þurfti að fara í bráðaaðgerð á hné. Hann fór í aðgerðina í gær og hún heppnaðist vel,“ segir Willum Þór Þórsson, þjálfari KR, er Gummi Ben tók viðtal við hann í morgun fyrir Teiginn.
Stefán Logi verður frá í að minnsta kosti mánuð og því mun varamarkvörður KR, Sindri Snær Jensson, verja mark KR í leiknum gegn FH um helgina og í næstu leikjum.
„Við búum mjög vel að hafa Sindra til taks og því gátum við hugað að heilsu Stefáns. Sindri er öflugur og við eigum unga stráka sem koma inn á æfingar og á bekkinn hjá okkur.“
Viðtalið við Willum verður birt í heild sinni í Teignum á Stöð 2 Sport annað kvöld en þátturinn er á dagskrá klukkan 21.00.
