Sterk króna gerir tipp ódýrara

Styrking krónunnar hefur í för með sér að ódýrara er að veðja á íþróttaleiki. Röðin á Lengjunni kostar nú 11 krónur en var tæplega tvöfalt dýrari fyrir fjórum árum.

Verðið er ákveðið með reglugerð dómsmálaráðherra. Árin fyrir hrun var röðin í rúmum tíu krónum en hækkaði jafnt og þétt í ráðherratíð Ögmundar Jónassonar. Hæst fór röðin í 19 krónur í upphafi árs 2013.

Í svari dómsmálaráðuneytis við fyrirspurn blaðsins segir að verð raðarinnar sé ekki pólitísk ákvörðun. Sterkara gengi þýði ódýrari röð.