Ný Evrópureglugerð mun litlu breyta Kristinn Ingi Jónsson skrifar 10. júlí 2017 06:00 Lítið er um skortölu á íslenskum verðbréfamarkaði, en það sem stendur henni aðallega fyrir þrifum er skortur á lánsbréfum. Lífeyrissjóðir mega ekki lána slík bréf og verðbréfasjóðum er sniðinn þröngur stakkur. vísir/stefán Ekki er líklegt að ný reglugerð Evrópusambandsins um skortsölu, sem tók gildi um mánaðamótin, muni auka umsvif skortsöluviðskipta hér á landi, enda er lífeyrissjóðum eftir sem áður óheimilt að lána bréf til slíkra viðskipta. Þetta er mat þeirra sérfræðinga á fjármálamarkaði sem Fréttablaðið ræddi við. Þeir telja brýnt að auka heimildir stofnanafjárfesta, svo sem lífeyris- og verðbréfasjóða, til þess að lána verðbréf.Páll Harðarson, forstjóri Kauphallarinnarvísir/gvaSkortsala gengur þannig fyrir sig að fjárfestir fær lánuð verðbréf sem hann selur í kjölfarið. Hann kaupir síðan bréfin aftur í þeirri von að þau hafi lækkað í verði að lánstíma liðnum. Sá sem skortselur bréf veðjar með öðrum orðum á að gengi þeirra lækki. Lítið er um skortsöluviðskipti á innlendum verðbréfamarkaði, en það sem hefur aðallega staðið skortsölu fyrir þrifum er að fáir eru tilbúnir til þess að lána bréf í slík viðskipti. Lífeyrissjóðir, sem eiga stóran hluta skráðra verðbréfa hér á landi, mega það einfaldlega ekki og verðbréfasjóðum er sniðinn þröngur stakkur í þessum efnum. Evrópsku skortsölureglugerðinni er ætlað að treysta umgjörð skortsöluviðskipta og auka jafnframt gagnsæi um slík viðskipti. Páll Harðarson, forstjóri Kauphallarinnar, segir jákvætt að sama umgjörð gildi nú um skortsölu hér á landi og annars staðar í Evrópu. Innleiðing reglugerðarinnar sé mikilvægt skref, en hins vegar þurfi að grípa til frekari aðgerða til þess að auka umsvif skortsölu til jafns við það sem gengur og gerist annars staðar í Evrópu. „Ég held að þátttaka stofnanafjárfesta eins og lífeyrissjóða og verðbréfasjóða sé grunnforsenda þess að við fáum svipaða virkni skortsölu og æskilegt væri. Við lítum á það sem mikla fjárfestavernd að slíkur möguleiki sé fyrir hendi. Að staða þeirra fjárfesta sem telja bréf of hátt verðlögð og þeirra sem telja þau of lágt verðlögð verði sem jöfnust,“ segir hann. Jóhann Gísli Jóhannesson, sjóðsstjóri hjá GAMMA, segir líklegra að reglugerðin muni fremur draga úr áhuga fjárfesta á að skortselja bréf en að auka hann. Reglugerðin hafi í för með sér aukið skrifræði og frekari tilkynningarskyldur.Jóhann Gísli Jóhannesson, sjóðsstjóri hjá GAMMAÞannig þarf, svo dæmi sé tekið, að tilkynna Fjármálaeftirlitinu um skortstöðu í bréfum félags þegar hún fer yfir 0,2 prósent af útgefnu hlutafé félagsins. Því til viðbótar þarf að láta stofnunina vita í hvert sinn sem skortstaðan eykst um 0,1 prósent umfram umrædd 0,2 prósenta mörk. Þá þarf fjárfestir að birta opinbera tilkynningu þegar nettó skortstaða hans í ákveðnu félagi fer yfir 0,5 prósent af útgefnu hlutafé félagsins. Jóhann Gísli segir líklegt að fjárfestar muni reyna að forðast að fara yfir umrædd mörk, þannig að ekki verði opinbert hvaða bréf þeir eru að skortselja. „Þetta er mjög grunnur markaður. Ef það liggur opinberlega fyrir að ákveðinn fjárfestir er að skortselja bréf, þá væri alveg hægt að ýta honum út úr þeim stöðum með því að byrja að kaupa bréf og sýna eftirspurn. Hann gæti þá neyðst til að loka stöðunum sínum. Þannig að þessi tilkynningarskylda gæti skapað óeðlilega hvata á markaði.“ Hann tekur undir með Páli að betra hefði verið að stíga frekari skref og auka til dæmis heimildir stofnanafjárfesta til þess að lána bréf. „Þannig væri hægt að auka framboð af lánsbréfum sem er alla jafna mjög lítið. Það er oft erfitt, ef ekki ómögulegt, að komast í slík bréf,“ segir hann. Virkur skortsölumarkaður gæti dregið úr öfgakenndum sveiflum á markaði og stuðlað að heilbrigðari verðlagningu á bréfum. Birtist í Fréttablaðinu Mest lesið Einar Bárðarson tekur við umdeildu félagi Viðskipti innlent Samþykktu að selja Perluna fyrir 3,5 milljarða Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Setja spurningarmerki við umfjöllun um Climeworks Viðskipti innlent Ráðin þjónustustjóri atNorth á Akureyri Viðskipti innlent Gísli Þór og Jón Garðar nýir framkvæmdastjórar hjá Terra Viðskipti innlent Mannauðsmál lögreglunnar: Ljótu málin taka á Atvinnulíf Jakob Valgeir lét Guðbjart bróður sinn fara Viðskipti innlent Gunnar Örn og Haraldur Hilmar nýir forstöðumenn hjá Arion Viðskipti innlent Ráðuneytið ógilti lóðaúthlutun fyrir milljarða Viðskipti innlent Fleiri fréttir Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Sjá meira
Ekki er líklegt að ný reglugerð Evrópusambandsins um skortsölu, sem tók gildi um mánaðamótin, muni auka umsvif skortsöluviðskipta hér á landi, enda er lífeyrissjóðum eftir sem áður óheimilt að lána bréf til slíkra viðskipta. Þetta er mat þeirra sérfræðinga á fjármálamarkaði sem Fréttablaðið ræddi við. Þeir telja brýnt að auka heimildir stofnanafjárfesta, svo sem lífeyris- og verðbréfasjóða, til þess að lána verðbréf.Páll Harðarson, forstjóri Kauphallarinnarvísir/gvaSkortsala gengur þannig fyrir sig að fjárfestir fær lánuð verðbréf sem hann selur í kjölfarið. Hann kaupir síðan bréfin aftur í þeirri von að þau hafi lækkað í verði að lánstíma liðnum. Sá sem skortselur bréf veðjar með öðrum orðum á að gengi þeirra lækki. Lítið er um skortsöluviðskipti á innlendum verðbréfamarkaði, en það sem hefur aðallega staðið skortsölu fyrir þrifum er að fáir eru tilbúnir til þess að lána bréf í slík viðskipti. Lífeyrissjóðir, sem eiga stóran hluta skráðra verðbréfa hér á landi, mega það einfaldlega ekki og verðbréfasjóðum er sniðinn þröngur stakkur í þessum efnum. Evrópsku skortsölureglugerðinni er ætlað að treysta umgjörð skortsöluviðskipta og auka jafnframt gagnsæi um slík viðskipti. Páll Harðarson, forstjóri Kauphallarinnar, segir jákvætt að sama umgjörð gildi nú um skortsölu hér á landi og annars staðar í Evrópu. Innleiðing reglugerðarinnar sé mikilvægt skref, en hins vegar þurfi að grípa til frekari aðgerða til þess að auka umsvif skortsölu til jafns við það sem gengur og gerist annars staðar í Evrópu. „Ég held að þátttaka stofnanafjárfesta eins og lífeyrissjóða og verðbréfasjóða sé grunnforsenda þess að við fáum svipaða virkni skortsölu og æskilegt væri. Við lítum á það sem mikla fjárfestavernd að slíkur möguleiki sé fyrir hendi. Að staða þeirra fjárfesta sem telja bréf of hátt verðlögð og þeirra sem telja þau of lágt verðlögð verði sem jöfnust,“ segir hann. Jóhann Gísli Jóhannesson, sjóðsstjóri hjá GAMMA, segir líklegra að reglugerðin muni fremur draga úr áhuga fjárfesta á að skortselja bréf en að auka hann. Reglugerðin hafi í för með sér aukið skrifræði og frekari tilkynningarskyldur.Jóhann Gísli Jóhannesson, sjóðsstjóri hjá GAMMAÞannig þarf, svo dæmi sé tekið, að tilkynna Fjármálaeftirlitinu um skortstöðu í bréfum félags þegar hún fer yfir 0,2 prósent af útgefnu hlutafé félagsins. Því til viðbótar þarf að láta stofnunina vita í hvert sinn sem skortstaðan eykst um 0,1 prósent umfram umrædd 0,2 prósenta mörk. Þá þarf fjárfestir að birta opinbera tilkynningu þegar nettó skortstaða hans í ákveðnu félagi fer yfir 0,5 prósent af útgefnu hlutafé félagsins. Jóhann Gísli segir líklegt að fjárfestar muni reyna að forðast að fara yfir umrædd mörk, þannig að ekki verði opinbert hvaða bréf þeir eru að skortselja. „Þetta er mjög grunnur markaður. Ef það liggur opinberlega fyrir að ákveðinn fjárfestir er að skortselja bréf, þá væri alveg hægt að ýta honum út úr þeim stöðum með því að byrja að kaupa bréf og sýna eftirspurn. Hann gæti þá neyðst til að loka stöðunum sínum. Þannig að þessi tilkynningarskylda gæti skapað óeðlilega hvata á markaði.“ Hann tekur undir með Páli að betra hefði verið að stíga frekari skref og auka til dæmis heimildir stofnanafjárfesta til þess að lána bréf. „Þannig væri hægt að auka framboð af lánsbréfum sem er alla jafna mjög lítið. Það er oft erfitt, ef ekki ómögulegt, að komast í slík bréf,“ segir hann. Virkur skortsölumarkaður gæti dregið úr öfgakenndum sveiflum á markaði og stuðlað að heilbrigðari verðlagningu á bréfum.
Birtist í Fréttablaðinu Mest lesið Einar Bárðarson tekur við umdeildu félagi Viðskipti innlent Samþykktu að selja Perluna fyrir 3,5 milljarða Viðskipti innlent Hálf öld af ástríðu og kappsemi – Bílabúð Benna fagnar 50 ára afmæli Samstarf Setja spurningarmerki við umfjöllun um Climeworks Viðskipti innlent Ráðin þjónustustjóri atNorth á Akureyri Viðskipti innlent Gísli Þór og Jón Garðar nýir framkvæmdastjórar hjá Terra Viðskipti innlent Mannauðsmál lögreglunnar: Ljótu málin taka á Atvinnulíf Jakob Valgeir lét Guðbjart bróður sinn fara Viðskipti innlent Gunnar Örn og Haraldur Hilmar nýir forstöðumenn hjá Arion Viðskipti innlent Ráðuneytið ógilti lóðaúthlutun fyrir milljarða Viðskipti innlent Fleiri fréttir Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Sjá meira