Tekur við sem for­stjóri S4S

Frá þessu segir í tilkynningu. Þar segir að Runólfur hafi gegnt starfi fjármálastjóra S4S frá árinu 2022 og framkvæmdastjóra frá árinu 2024. 

„Hann hefur víðtæka reynslu af fjármálum og rekstri, en áður starfaði hann hjá Deloitte þar sem hann var einn af eigendum félagsins.

Pétur er stofnandi S4S og hefur gegnt lykilhlutverki í uppbyggingu og vexti félagsins frá upphafi. Rekja má rætur félagsins aftur til ársins 1991 þegar Pétur hóf heildsölu á vörum sem síðar urðu grunnur að starfsemi S4S. Frá þeim tíma hefur félagið vaxið jafnt og þétt og þróast í eitt stærsta smásölufyrirtæki landsins.

S4S rekur meðal annars verslanirnar Steinar Waage, Kaupfélagið, Ecco, Skechers, Ellingsen, AIR og S4S Premium Outlet. Verslanir félagsins eru samtals 11 talsins. Þá rekur félagið einnig fjölda netverslana, þar á meðal Skór.is, Ellingsen.is, Air.is, BRP.is, PremiumOutlet.is og Lindex.is.

S4S tók nýverið við sem rekstraraðili Lindex á Íslandi og er fyrirhugað að opna verslanir í Kringlunni og Smáralind í maí næstkomandi.

Dótturfélag félagsins, S4S Tæki ehf., sérhæfir sig í sölu og þjónustu á tækjum og rekur meðal annars BRP Ellingsen tækjasölu og verkstæði,“ segir í tilkynningunni.