Lögregla lýsir eftir Elvu Brá

Lögreglan á höfuðborgarsvæðinu lýsir eftir Elvu Brá Thorsteinsdóttur, 26 ára. 

Í tilkynningu frá lögreglunni segir að síðast hafi sést til hennar í Reykjavík í gær.

„Elva Brá er 1.65 cm á hæð, grannvaxin, með blá græn augu og með dökkt stutt hár. 

Hún var í svartri úlpu með loðkraga, rifnum gallabuxum og hvítri prjónapeysu síðast þegar sást til hennar.  Þeir sem geta veitt upplýsingar um ferðir Elvu er bent á að hafa samband við Lögregluna á höfuðborgarsvæðinu í síma 444 1000,“ segir í tilkynningunni.

Þar kemur einnig fram að því miður sé engin nothæf mynd til af henni.