Háskólaprófessor útnefndur Kona ársins

Inga Dóra Sigfúsdóttir, prófessor við Háskóla Reykjavíkur, hlaut á laugardag viðurkenninguna Kona ársins hjá þingi Bandalags kvenna í Reykjavík.

Inga er stofnandi rannsóknarsetursins Rannsóknir og greining og hlaut fyrir stuttu 300 milljóna króna styrk frá ESB til að rannsaka hegðun og heilsu íslenskra barna.

Þá fékk Lögreglan á höfuðborgarsvæðinu og Reykjavíkurborg hvatningarverðlaun fyrir samstarfsverkefni vegna heimilisofbeldis. Sigríður Björk Guðjónsdóttir lögreglustjóri og Dagur B. Eggertsson borgarstjóri veittu verðlaununum viðtöku.

Samstarfsverkefnið snýst meðal annars út á að fleiri en lögregla komi að hverju heimilisofbeldismáli, þar með talin félagsmálayfirvöld og barnaverndaryfirvöld.

Þetta var hundraðasta þing Bandalags kvenna í Reykjavík sem er regnhlífarbandalag kvenfélaga á höfuðborgarsvæðinu.