Amfetamín fannst í klefa á Litla-Hrauni

Smáskammtur af amfetamíni fannst í klefa hjá fanga á Litla-Hrauni í liðinni viku. Við yfirheyrslu viðurkenndi fanginn að eiga efnið sem sent verður til efnagreiningar og mun ákvörðun um framhald málsins miðast við niðurstöðu hennar, að því er fram kemur í tilkynningu frá lögreglunni á Suðurlandi.

Þá voru þrjár minniháttar líkamsárásir kærðar á Selfossi í vikunni auk þess sem karlmaður í Þorlákshöfn var kærður fyrir að brjóta gegn nálgunarbanni.

33 ökumenn voru síðan kærðir fyrir hraðakstur í umdæmi lögreglunnar á Suðurlandi í vikunni, þar af 15 frá Vík austur að Höfn. Tveir voru kærðir fyrir ölvunarakstur.

Í Bláskógabyggð var tilkynnt um innbrot í sumarbústað í landi Böðmóðsstaða. Við rannsókn kom í ljós að munir sem teknir voru úr sumarhúsinu höfðu verið í bíl tveggja manna sem lögreglan handtók fyrir skömmu eftir innbrot í verlsun á Laugarvatni.

Helstu verkefni lögreglunnar á Suðurlandi vikuna 8. til 14. mars 2016. Hjá lögreglunni á Suðurlandi voru 262 verkefni...

Posted by Lögreglan á Suðurlandi on Monday, 14 March 2016