Of há húsgjöld hjá öldruðum Snærós Sindradóttir skrifar 23. mars 2016 07:00 Þorsteinn Þorsteinsson, íbúi í Boðaþingi, fer fyrir íbúum. Hann borgar 270 þúsund krónur á mánuði í leigu, öryggishnapp og hússjóð. vísir/hanna „Mér finnst að verið sé að níðast á gömlu fólki með því að láta okkur borga þetta,“ segir Þorsteinn Þorsteinsson, leigutaki hjá Naustavör, sem leigir út þjónustuíbúðir fyrir aldrað fólk við Boðaþing í Kópavogi. Þorsteinn er talsmaður íbúa í húsinu en þeir telja Naustavör hafa ofrukkað íbúa um húsgjöld um margra ára bil og hafa sett endurkröfuna í innheimtu en án árangurs. Naustavör er dótturfélag Sjómannadagsráðs sem rekur meðal annars dvalarheimili Hrafnistu og Happdrætti DAS. Leiga á íbúð, sambærilegri þeirri sem Þorsteinn býr í og er um 97 fermetrar, er tæpar 250 þúsund krónur á mánuði. Þess utan eru allir íbúar skyldubundnir til að borga fyrir öryggishnapp, óháð heilsufari. Hnappurinn kostar 5.000 krónur á mánuði fyrir hjón. Þá eiga allir íbúar að borga í hússjóð tæpar 14 þúsund krónur á mánuði. Styrinn stendur um hússjóðinn. Ekki er sérstakt bókhald utan um hann og illa hefur gengið að fá gögn um það í hvað greiðslan er nýtt. „Allar nótur eru stílaðar á Naustavör en ekki hússjóðinn. Við kröfðumst þess að því yrði breytt en það hlýtur ekki undirtektir. Við fengum skilgreiningu á því hvaða kostnað við erum að greiða og þá kom í ljós að hússjóður hefur verið notaður til að borga kostnað sem kemur rekstri sameignar ekkert við,“ segir Þorsteinn. Þegar íbúar óskuðu eftir skjölum um hreyfingar á reikningum kom í ljós að hússjóðurinn er meðal annars nýttur til að greiða fyrir stjórnunarkostnað, öryggissíma í lyftu, húsvörslu og brunavarnir. Þá er innifalið í hússjóðnum kostnaður við púttvöll sem er á lóð hússins. Allt þetta telur Þorsteinn að eigi að vera innifalið í húsaleigunni, sem er hærri en gengur og gerist á almennum markaði. Íbúar báru málið undir kærunefnd húsamála. „Úrskurður nefndarinnar var skýr um að allt ætti þetta heima undir húsaleigu. Þeir hjá Naustavör voru búnir að segja áður að þeir myndu virða úrskurð kærunefndar hver sem hann yrði, en svo breyttist það þegar hann var þeim óhagstæður,“ segir Þorsteinn. Eftir að málið fór til kærunefndar var ákveðið að íbúar fengju ekki frekari gögn um fjármagnshreyfingar frá Naustavör. Málið er því nú komið til innheimtu. Tekin verður ákvörðun um málshöfðun ef endurgreiðsla fæst ekki frá Naustavör. „Við erum engir auðmenn sem stöndum í þessu en okkur er ákaflega illa við að láta brjóta á okkur lög. Okkur finnst vera gert lítið úr gömlu fólki með þessu. Við erum ekki að þessu bara fyrir íbúana hér. Naustavör rekur fleiri íbúðir og við teljum afar líklegt að verið sé að reka þetta með sama máta þar.“Fréttin birtist fyrst í Fréttablaðinu 23. mars. Mest lesið Kolbeinn hafi strokið kynfæri stúlkunnar ítrekað Innlent Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent Spellvirkinn lætur til skarar skríða á ný Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Fleiri fréttir Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Sjá meira
„Mér finnst að verið sé að níðast á gömlu fólki með því að láta okkur borga þetta,“ segir Þorsteinn Þorsteinsson, leigutaki hjá Naustavör, sem leigir út þjónustuíbúðir fyrir aldrað fólk við Boðaþing í Kópavogi. Þorsteinn er talsmaður íbúa í húsinu en þeir telja Naustavör hafa ofrukkað íbúa um húsgjöld um margra ára bil og hafa sett endurkröfuna í innheimtu en án árangurs. Naustavör er dótturfélag Sjómannadagsráðs sem rekur meðal annars dvalarheimili Hrafnistu og Happdrætti DAS. Leiga á íbúð, sambærilegri þeirri sem Þorsteinn býr í og er um 97 fermetrar, er tæpar 250 þúsund krónur á mánuði. Þess utan eru allir íbúar skyldubundnir til að borga fyrir öryggishnapp, óháð heilsufari. Hnappurinn kostar 5.000 krónur á mánuði fyrir hjón. Þá eiga allir íbúar að borga í hússjóð tæpar 14 þúsund krónur á mánuði. Styrinn stendur um hússjóðinn. Ekki er sérstakt bókhald utan um hann og illa hefur gengið að fá gögn um það í hvað greiðslan er nýtt. „Allar nótur eru stílaðar á Naustavör en ekki hússjóðinn. Við kröfðumst þess að því yrði breytt en það hlýtur ekki undirtektir. Við fengum skilgreiningu á því hvaða kostnað við erum að greiða og þá kom í ljós að hússjóður hefur verið notaður til að borga kostnað sem kemur rekstri sameignar ekkert við,“ segir Þorsteinn. Þegar íbúar óskuðu eftir skjölum um hreyfingar á reikningum kom í ljós að hússjóðurinn er meðal annars nýttur til að greiða fyrir stjórnunarkostnað, öryggissíma í lyftu, húsvörslu og brunavarnir. Þá er innifalið í hússjóðnum kostnaður við púttvöll sem er á lóð hússins. Allt þetta telur Þorsteinn að eigi að vera innifalið í húsaleigunni, sem er hærri en gengur og gerist á almennum markaði. Íbúar báru málið undir kærunefnd húsamála. „Úrskurður nefndarinnar var skýr um að allt ætti þetta heima undir húsaleigu. Þeir hjá Naustavör voru búnir að segja áður að þeir myndu virða úrskurð kærunefndar hver sem hann yrði, en svo breyttist það þegar hann var þeim óhagstæður,“ segir Þorsteinn. Eftir að málið fór til kærunefndar var ákveðið að íbúar fengju ekki frekari gögn um fjármagnshreyfingar frá Naustavör. Málið er því nú komið til innheimtu. Tekin verður ákvörðun um málshöfðun ef endurgreiðsla fæst ekki frá Naustavör. „Við erum engir auðmenn sem stöndum í þessu en okkur er ákaflega illa við að láta brjóta á okkur lög. Okkur finnst vera gert lítið úr gömlu fólki með þessu. Við erum ekki að þessu bara fyrir íbúana hér. Naustavör rekur fleiri íbúðir og við teljum afar líklegt að verið sé að reka þetta með sama máta þar.“Fréttin birtist fyrst í Fréttablaðinu 23. mars.
Mest lesið Kolbeinn hafi strokið kynfæri stúlkunnar ítrekað Innlent Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent Spellvirkinn lætur til skarar skríða á ný Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Fleiri fréttir Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Sjá meira