Sendi óvart samfarahljóð sín og kærastans til Facebook vinar

Messenger appið sem tengist netspjallinu á Facebook nýtur vaxandi vinsælda á meðal fólks sem kýs að hringja ódýrt sín á milli. Það er bæði auðvelt í notkun og gerir notendum kleift að hringja símtal til allra félaga sinna á Facebook sama hvar þeir eru staddir í heiminum og án þess að þurfa nokkurn tímann að muna símanúmerin þeirra. Ef þeir sem hringt er í svara ekki tekur forritið upp kveðju sem viðkomandi getur þá hlustað á að vild. Þetta gerist sjálfkrafa svo hringjandinn þurfi ekki að hafa of mikið fyrir því. Hentugt? Ekki endilega.

Ónefnd íslensk stúlka lenti nefnilega í því á dögunum að senda óvart samfarahljóð síns og kærastans til félaga sem hún hafði verið að reyna hringja í gegnum appið. Eitthvað varð henni heitt í hamsi á meðan hún beið eftir því að Facebook vinurinn svaraði, lagði frá sér símann, snéri sér að kærastanum og hóf að njóta með honum ásta.

Ekki vildi betur til en svo að síminn tók upp samfarahljóð þeirra og skyldi eftir í skilaboðum til Facebook vinarins. Samskiptin eftir það urðu skiljanlega í vandræðalegri kantinum eins og sjá má hér fyrir neðan.

Boðskapurinn er líklegast sá að betra sé að athuga hvað síminn þinn er að bralla áður en kærleikurinn yfirtekur allt vit. Viljir þú ekki hafa hann með í leikum er kannski hollara að slökkva.