Gullgalla Gógó syngur Bond Sólveig Gísladóttir skrifar 17. mars 2016 14:30 Hinn 25 ára gamli gullgalli smellpassar Guðrúnu Helgu enn í dag. Diego Batista sá um hár og förðun. Mynd/Stefán Guðrún Helga Stefánsdóttir, söngkona og kynningastjóri Borgarsögusafns, á forláta gullgalla sem hún klæddist á diskóteki á menntaskólaárunum. Hann hékk ónotaður inni í skáp í fjölmörg ár eða allt þar til Guðrún Helga dró hann fram til að syngja lög úr James Bond með kórnum sínum, Ljótakór. „Síðustu tónleikar Ljótakórs voru afar fjölskylduvænir og báru heitið Grannmeti og átvextir. Núna langaði okkur að fara í allt aðra átt, vinna meira með stemningu og stíl. Þá kviknaði þessi hugmynd, að vera með tónleika í anda næturklúbba þar sem lifandi tónlist er leikin í reykfylltum sal með fjólubláum ljósum. Þegar við fórum að skoða hvaða tónlist kæmi til greina í slíka dagskrá kom í ljós að ansi mörg Bond-laganna féllu vel að þessum pælingum,“ segir Guðrún Helga og því var ákveðið að kýla á tónleika sem væru alfarið helgaðir tónlist úr James Bond-kvikmyndum.Ljótikór fer alla leið í Bond-þemanu. Hér eru meðlimir hans á Hótel Borg.Mynd/Kristján MaackÍ tilefni af tónleikunum ákvað kórinn að klæða sig upp á og í föt í anda Bond-myndanna og láta mynda sig í gyllta salnum á Hótel Borg, en þar fara tónleikarnir einmitt fram. En hvernig gekk að finna fatnað? „Það gekk nú bara ansi vel. Strákarnir áttu flestir smóking og við stelpurnar drógum fram glamúrkjólana okkar og sumar fengu lánaða kjóla. Líklega á árshátíðamenning Íslendinga stóran þátt í því að fólk á almennt glæsilegan fatnað til að vera í við svona tækifæri,“ svarar Guðrún Helga. Skipuð var nefnd smekkfólks úr röðum kórsins. „Sú lagði línurnar hvað Bond-stílinn varðar og hvaða litir yrðu fyrir valinu en þeir eru: svart, hvítt, rautt, gyllt og silfur.“Helga Guðrún í gullgallanum góða. Diego Batista sá um hár og förðun. Mynd/StefánSjálf er Guðrún Helga í geggjuðum, gylltum samfestingi. „Sunna María Magnúsdóttir hannaði og saumaði hann á mig þegar ég var enn í menntaskóla. Hún er lærður fatahönnuður frá Esmode í París og rak einu sinni verslun í Reykjavík,“ útskýrir Guðrún Helga sem klæddist gullgallanum á diskóteki á gamlárskvöldi í denn og vakti mikla athygli. „Ég hef aftur á móti ekki haft tækifæri til að nota hann síðan en tímdi aldrei að losa mig við hann þrátt fyrir það. En nú loks, meira en 25 árum síðar, gefst mér þetta gullna tækifæri til að nota hann aftur syngjandi Bond-lög á Hótel Borg,“ segir Guðrún Helga en gaman er að segja frá því að kórfélagarnir hafa gefið hverjir öðrum lýsandi og skondin gælunöfn. „Hingað til hefur mitt verið Gógó sópranó en nú eru þau illu heilli farin að kalla mig Gullgalla-Gógó og heimta að ég komi fram í þessum galla á tónleikum kórsins það sem eftir er,“ segir hún og hlær. Ljótikór heldur tvenna Bond-tónleika í gyllta salnum á Hótel Borg fimmtudaginn 17. mars, en með kórnum syngur Sigríður Thorlacius. „Við munum að sjálfsögðu flytja öll bestu Bond-lögin, þar á meðal Goldfinger, Goldeneye og Skyfall. Hljómsveitarstjórinn okkar, Einar Jónsson, hefur útsett lögin sérstaklega fyrir kórinn og Vigdís Jakobsdóttir leikstjóri hjálpaði okkur að setja dagskrána saman þannig að úr yrði eitt heildarverk,“ segir Guðrún Helga. Uppselt er á báða tónleikana. „En ef eftirspurn er mikil þá er vel hugsanlegt að við endurtökum leikinn.“ James Bond Mest lesið Lilja Sif Pétursdóttir krýnd Miss Supranational Europe og talin myndfríðust Lífið Næsti Bond undir þrítugu og þrír efstir á blaði Bíó og sjónvarp Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Byggir á viðskiptamódeli bandarískrar trúboðsstöðvar Lífið Fleiri fréttir Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Sjá meira
Guðrún Helga Stefánsdóttir, söngkona og kynningastjóri Borgarsögusafns, á forláta gullgalla sem hún klæddist á diskóteki á menntaskólaárunum. Hann hékk ónotaður inni í skáp í fjölmörg ár eða allt þar til Guðrún Helga dró hann fram til að syngja lög úr James Bond með kórnum sínum, Ljótakór. „Síðustu tónleikar Ljótakórs voru afar fjölskylduvænir og báru heitið Grannmeti og átvextir. Núna langaði okkur að fara í allt aðra átt, vinna meira með stemningu og stíl. Þá kviknaði þessi hugmynd, að vera með tónleika í anda næturklúbba þar sem lifandi tónlist er leikin í reykfylltum sal með fjólubláum ljósum. Þegar við fórum að skoða hvaða tónlist kæmi til greina í slíka dagskrá kom í ljós að ansi mörg Bond-laganna féllu vel að þessum pælingum,“ segir Guðrún Helga og því var ákveðið að kýla á tónleika sem væru alfarið helgaðir tónlist úr James Bond-kvikmyndum.Ljótikór fer alla leið í Bond-þemanu. Hér eru meðlimir hans á Hótel Borg.Mynd/Kristján MaackÍ tilefni af tónleikunum ákvað kórinn að klæða sig upp á og í föt í anda Bond-myndanna og láta mynda sig í gyllta salnum á Hótel Borg, en þar fara tónleikarnir einmitt fram. En hvernig gekk að finna fatnað? „Það gekk nú bara ansi vel. Strákarnir áttu flestir smóking og við stelpurnar drógum fram glamúrkjólana okkar og sumar fengu lánaða kjóla. Líklega á árshátíðamenning Íslendinga stóran þátt í því að fólk á almennt glæsilegan fatnað til að vera í við svona tækifæri,“ svarar Guðrún Helga. Skipuð var nefnd smekkfólks úr röðum kórsins. „Sú lagði línurnar hvað Bond-stílinn varðar og hvaða litir yrðu fyrir valinu en þeir eru: svart, hvítt, rautt, gyllt og silfur.“Helga Guðrún í gullgallanum góða. Diego Batista sá um hár og förðun. Mynd/StefánSjálf er Guðrún Helga í geggjuðum, gylltum samfestingi. „Sunna María Magnúsdóttir hannaði og saumaði hann á mig þegar ég var enn í menntaskóla. Hún er lærður fatahönnuður frá Esmode í París og rak einu sinni verslun í Reykjavík,“ útskýrir Guðrún Helga sem klæddist gullgallanum á diskóteki á gamlárskvöldi í denn og vakti mikla athygli. „Ég hef aftur á móti ekki haft tækifæri til að nota hann síðan en tímdi aldrei að losa mig við hann þrátt fyrir það. En nú loks, meira en 25 árum síðar, gefst mér þetta gullna tækifæri til að nota hann aftur syngjandi Bond-lög á Hótel Borg,“ segir Guðrún Helga en gaman er að segja frá því að kórfélagarnir hafa gefið hverjir öðrum lýsandi og skondin gælunöfn. „Hingað til hefur mitt verið Gógó sópranó en nú eru þau illu heilli farin að kalla mig Gullgalla-Gógó og heimta að ég komi fram í þessum galla á tónleikum kórsins það sem eftir er,“ segir hún og hlær. Ljótikór heldur tvenna Bond-tónleika í gyllta salnum á Hótel Borg fimmtudaginn 17. mars, en með kórnum syngur Sigríður Thorlacius. „Við munum að sjálfsögðu flytja öll bestu Bond-lögin, þar á meðal Goldfinger, Goldeneye og Skyfall. Hljómsveitarstjórinn okkar, Einar Jónsson, hefur útsett lögin sérstaklega fyrir kórinn og Vigdís Jakobsdóttir leikstjóri hjálpaði okkur að setja dagskrána saman þannig að úr yrði eitt heildarverk,“ segir Guðrún Helga. Uppselt er á báða tónleikana. „En ef eftirspurn er mikil þá er vel hugsanlegt að við endurtökum leikinn.“
James Bond Mest lesið Lilja Sif Pétursdóttir krýnd Miss Supranational Europe og talin myndfríðust Lífið Næsti Bond undir þrítugu og þrír efstir á blaði Bíó og sjónvarp Vægar viðreynslur en engir pervertar Lífið Fréttatía vikunnar: Leiðtogafundur, Hollywood-stjarna og umdeilt brúðkaup Lífið Áslaug selur glæsiíbúð í Reykjavík Lífið Albert og Guðlaug saman í fríi á Ibiza Lífið Rúrik mætti með kærustuna í brúðkaupið Lífið Stefnir á sigur í stærstu kokkakeppni heims Lífið Súrrealísk upplifun í prinsessuleik í Versölum Lífið Byggir á viðskiptamódeli bandarískrar trúboðsstöðvar Lífið Fleiri fréttir Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Sjá meira