Markalaust fyrir austan

Ekkert mark var skorað þegar Fjarðabyggð og Selfoss áttust við í fyrsta leik 17. umferð Inkasso-deildar karla í kvöld.

Bæði lið hafa verið dugleg að gera jafntefli að undanförnu. Þetta var fjórða jafntefli Fjarðabyggðar í síðustu fimm leikjum en liðið er með 17 stig í 10. sæti deildarinnar.

Með sigri á Þór á sunnudaginn kemst Huginn upp fyrir nágranna sína og skilur þá eftir í fallsæti.

Selfyssingar hafa gefið eftir að undanförnu en liðið hefur aðeins unnið einn af síðustu fimm leikjum sínum. Selfoss er í 6. sæti deildarinnar með 22 stig.

Sautjánda umferðin heldur áfram á morgun þegar þrír leikir fara fram. Henni lýkur svo með tveimur leikjum á sunnudaginn.