Fundi um Reykjavíkurflugvöll frestað því flug liggur niðri

Fresta þurfti fundi um framtíð Reykijavíkurflugvallar sem átti að halda í Menningarhúsinu Hofi á Akureyri klukkan 17 í dag. Ástæða frestunarinnar er sú að flug liggur niðri.

Dagur B. Eggertsson borgarstjóri átti að vera einn af framsögumönnum á fundinum. Hann kemst hins vegar ekki á fundinn vegna þess að ekki hefur verið flogið frá Reykjavík til Akureyar í dag vegna stormviðvörunar.

Samkvæmt Ragnari Hólm Ragnarssyni, verkefnastjóra kynningarmála hjá Akureyrarbæ, verður nýr fundur boðaður innan tíðar.