Aukafréttatími Stöðvar tvö klukkan 12: Í beinni frá Alþingi

Aukafréttatími verður  á Stöð 2 klukkan 12 í dag á samtengdum rásum Stöðvar 2 og Bylgjunnar. Fréttatíminn verður í beinni á Vísi og má fylgjast með honum hér að ofan.

Boðað hefur verið til þingfundar í dag klukkan hálf ellefu. Ný ríkisstjórn var kynnt í gærkvöldi, eins og flestum er kunnugt, og kemur saman í fyrsta sinn í dag. Því má vænta þess að þingfundurinn verði fjörugur enda mörgum spurningum enn ósvarað. Fréttastofa Stöðvar 2 verður á staðnum og tekur þingmenn tali í hádegisfréttatímanum sem verður í beinni frá Alþingi. Þá verður fjallað um þingfundinn.

Fréttastofa Stöðvar 2 verður einnig í beinni frá Bessastöðum síðar í dag þar sem fram munu fara ríkisráðsfundir. Fyrst fundar núverandi ríkisstjórn klukkan tvö og mun Sigmundur Davíð Gunnlaugsson forsætisráðherra væntanlega biðjast lausnar frá embætti sínu á þeim fundi. Í kjölfarið kemur ný ríkisstjórn saman í fyrsta sinn.  

Uppfært: Fréttatímanum er lokið en hann verður aðgengilegur í heild sinni eftir skamma stund í spilaranum fyrir neðan.