Viðbrögðin við þeim pólitíska óróleika sem einkennt hefur síðustu daga eru eins mörg og þau eru misjöfn. Sumir mótmæla, aðrir grínast á Twitter og enn aðrir búa til tölvuleiki.
Stutt er síðan kom út leikur þar sem spilarar bregða sér í hlutverk Sigmundar Davíðs Gunnlaugssonar og eiga að reyna safna þér eins mikið af krónum og hægt en á sama tíma aðforðast RÚV og Pírata. Það er einnig hægt að fá sér kökusneið í leiknum.
Nú er kominn nýr áþekkur leikur þar sem spilarar bregða sér í hlutverk forsætisráðherrans fyrrverandi og reyna hvað þeir geta að forðast fjölmiðlamenn á borð við Helga Seljan, Jóhannes Kr. Kristjánsson og Heimi Má Pétursson. Markmiðið er einfalt, að forðast afsögn.
„Við erum í tölvunarfræðinámi í HR og áttum að gera leik og við ákvaðum að setja hann í skemmtilegan búning,“ sagði Bjartur Hafþórsson í samtali við Vísi um gerð leiksins.
Spila má leikinn hér.
Nýr tölvuleikur þar sem maður bregður sér í hlutverk SDG, kemur sér undan fjölmiðlamönnum og forðast afsögn
Tengdar fréttir
Tölvuleikur þar sem maður bregður sér í hlutverk SDG, forðast RÚV, nælir sér í krónur og borðar köku
„Ég gerði leikinn seint í gærkvöldi. Ég hefði ákveðin grunn þar sem ég er nú þegar að vinna að mínum eigin tölvuleik,“segir Stefán Birgir Stefánsson, listamaður, um tölvuleik sem hann bjó til seint í gærkvöldi eftir að þáttur Kastljóss fór í loftið.
