Fyrsti svona EM-dagur í 58 ár Óskar Ófeigur Jónsson skrifar 9. júlí 2016 06:00 Ásdís og Aníta keppar báðar í úrslitum í dag. vísir/afp/getty Tvær íslenskar frjálsíþróttakonur tryggðu sér sæti í úrslitum í sínum greinum á fimmtudaginn og keppa þær í úrslitum í dag. Það er ekki algengt að Ísland eigi marga keppendur í úrslitum á EM hvað þá að þeir keppi til úrslita á sama degi. 9. júlí 2016 er því þegar orðinn sögulegur í íslensku frjálsíþróttasögunni. Ásdís Hjálmsdóttir keppir til úrslita í spjótkasti klukkan 16.45 en Aníta Hinriksdóttir keppir til úrslita í 800 metra hlaupi klukkan 19.40. Í millitíðinni keppir Arna Stefanía Guðmundsdóttir í undanúrslitum í 400 metra grindarhlaupi (klukkan 18.20).Eiga heima á stóra sviðinu „Þetta sýnir bara í hvaða stöðu þær eru þessar stelpur. Íslendingar í frjálsum, eins og í fótboltanum, eiga heima á stóra sviðinu. Þær sýna það þessar stelpur,“ segir Freyr Ólafsson, formaður FRÍ. En við hverju má búast í dag? „Okkar væntingar stóðu til þess að þær kæmust á þennan stað sem þær eru komnar á núna. Ásdís var tíunda inn og Aníta var fjórða inn. Auðvitað væri það sem við yrðum mjög sátt við ef þær ná þeim sætum í úrslitunum,“ segir Freyr en hann á sér daum. „Hver einasta þjóð lætur sig náttúrulega dreyma um medalíu," segir Freyr en þá þarf auðvitað allt að ganga upp. „Þetta er stór dagur fyrir frjálsar á Íslandi og góð upphitun á Ólympíuári. Það er svolítið skemmtilegt að hafa svona stórt mót mánuði fyrir leika,“ segir Freyr um tímasetninguna, en bæði Ásdís og Aníta eru á leiðinni á ÓL í Ríó. Þetta er í fyrsta sinn sem Aníta keppir til úrslita á stórmóti fullorðinna en Ásdís hefur komist einu sinni áður í úrslit, en það var fyrir sex árum. Ásdís Hjálmsdóttir er að setja nýtt íslenskt met, með því að keppa á sínu fimmta Evrópumóti.Önnur veröld „Aníta hefur staðið sig vel á unglingastórmótunum en þetta er harðara þegar komið er upp í fullorðinsflokk. Þetta er önnur veröld og hún stendur sig vel í henni. Þetta var stressandi í gær (fyrradag) því tölfræðin var ekki Ásdísi í hag, að vera áttunda eftir fyrri riðil. Það var svolítið sérstakt að það voru bara tvær sem köstuðu lengra. Það var mjög gott fyrir hana að vera réttu megin núna,“ segir Freyr en Ásdís var búin að enda í þrettánda sæti á tveimur EM í röð en tólf efstu komast í úrslit. Ísland átti síðast tvo íþróttamenn í úrslitum á sama degi á EM í frjálsum fyrir 22 árum eða á EM í Helsinki 1994. Dagurinn var 13. ágúst 1994 og þá keppti Pétur Guðmundsson í tólf manna úrslitum í kúluvarpi og Martha Ernstsdóttir í 21 manns úrslitum í tíu þúsund metra hlaupi. Martha er einmitt frænka Anítu Hinriksdóttur sem keppir í dag. Pétur þurfti að vinna sér sæti í úrslitum og náði þá besta kastinu í undankeppninni en Martha var komin í úrslitahlaupið um leið og hún náði lágmarkinu á EM. Kast Péturs í undankeppninni hefði dugað á pall en hann náði sér ekki eins vel á strik í úrslitunum.23. ágúst 1958 Það þarf aftur á móti að fara aftur um 58 ár til að finna sams konar stöðu og íslenskar frjálsar eru í í dag. EM í Stokkhólmi 1958 var nefnilega síðasta Evrópumótið þar sem tveir íslenskir keppendur, sem höfðu unnið sér sæti í úrslitum í undankeppni á mótinu, kepptu til úrslita á sama degi. Sá dagur var 23. ágúst 1958 og keppendurnir voru Vilhjálmur Einarsson í þrístökki og Gunnar Huseby í kúluvarpi. Vilhjálmur Einarsson varð þrettándi í undankeppninni en stökk 108 sentímetrum lengra í úrslitum þrístökksins og tryggði sér bronsverðlaun. Gunnar Huseby hafði unnið gull í kúluvarpinu á Evrópumótunum 1946 og 1950 en hann var þarna orðinn 34 ára gamall og varð að sætta sig við 17. sætið í úrslitunum 1958. Síðan hafa 22 íslenskir frjálsíþróttamenn keppt til úrslita en enginn þeirra í sérúrslitum á sama degi. Það er því stór stund á Ólympíuleikvanginum í Amsterdam í dag. Frjálsar íþróttir Ólympíuleikar 2016 í Ríó Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Uppgjör: Grindavík - Njarðvík 79-83 | Grænar stálu heimavellinum í Smáranum Körfubolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ „Hver karfa skiptir máli þannig að ég varð smá reiður“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör: Grindavík - Njarðvík 79-83 | Grænar stálu heimavellinum í Smáranum „Ekki boðlegt á þessu getustigi“ „Mætum til Eyja á miðvikudaginn til þess að loka þessu“ „Ég skaut bara á markið og vonaði það besta“ Brunson skaut Philadelphia í kaf Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Fowler hjálpaði Man City að styrkja stöðu sína á toppnum Lærisveinar Freys lifa í voninni „Já ég hef skoðun á því, ég ætla bara ekki að segja hana“ „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Valsmenn fyrstir í úrslit Evrópukeppni í 44 ár Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Sjá meira
Tvær íslenskar frjálsíþróttakonur tryggðu sér sæti í úrslitum í sínum greinum á fimmtudaginn og keppa þær í úrslitum í dag. Það er ekki algengt að Ísland eigi marga keppendur í úrslitum á EM hvað þá að þeir keppi til úrslita á sama degi. 9. júlí 2016 er því þegar orðinn sögulegur í íslensku frjálsíþróttasögunni. Ásdís Hjálmsdóttir keppir til úrslita í spjótkasti klukkan 16.45 en Aníta Hinriksdóttir keppir til úrslita í 800 metra hlaupi klukkan 19.40. Í millitíðinni keppir Arna Stefanía Guðmundsdóttir í undanúrslitum í 400 metra grindarhlaupi (klukkan 18.20).Eiga heima á stóra sviðinu „Þetta sýnir bara í hvaða stöðu þær eru þessar stelpur. Íslendingar í frjálsum, eins og í fótboltanum, eiga heima á stóra sviðinu. Þær sýna það þessar stelpur,“ segir Freyr Ólafsson, formaður FRÍ. En við hverju má búast í dag? „Okkar væntingar stóðu til þess að þær kæmust á þennan stað sem þær eru komnar á núna. Ásdís var tíunda inn og Aníta var fjórða inn. Auðvitað væri það sem við yrðum mjög sátt við ef þær ná þeim sætum í úrslitunum,“ segir Freyr en hann á sér daum. „Hver einasta þjóð lætur sig náttúrulega dreyma um medalíu," segir Freyr en þá þarf auðvitað allt að ganga upp. „Þetta er stór dagur fyrir frjálsar á Íslandi og góð upphitun á Ólympíuári. Það er svolítið skemmtilegt að hafa svona stórt mót mánuði fyrir leika,“ segir Freyr um tímasetninguna, en bæði Ásdís og Aníta eru á leiðinni á ÓL í Ríó. Þetta er í fyrsta sinn sem Aníta keppir til úrslita á stórmóti fullorðinna en Ásdís hefur komist einu sinni áður í úrslit, en það var fyrir sex árum. Ásdís Hjálmsdóttir er að setja nýtt íslenskt met, með því að keppa á sínu fimmta Evrópumóti.Önnur veröld „Aníta hefur staðið sig vel á unglingastórmótunum en þetta er harðara þegar komið er upp í fullorðinsflokk. Þetta er önnur veröld og hún stendur sig vel í henni. Þetta var stressandi í gær (fyrradag) því tölfræðin var ekki Ásdísi í hag, að vera áttunda eftir fyrri riðil. Það var svolítið sérstakt að það voru bara tvær sem köstuðu lengra. Það var mjög gott fyrir hana að vera réttu megin núna,“ segir Freyr en Ásdís var búin að enda í þrettánda sæti á tveimur EM í röð en tólf efstu komast í úrslit. Ísland átti síðast tvo íþróttamenn í úrslitum á sama degi á EM í frjálsum fyrir 22 árum eða á EM í Helsinki 1994. Dagurinn var 13. ágúst 1994 og þá keppti Pétur Guðmundsson í tólf manna úrslitum í kúluvarpi og Martha Ernstsdóttir í 21 manns úrslitum í tíu þúsund metra hlaupi. Martha er einmitt frænka Anítu Hinriksdóttur sem keppir í dag. Pétur þurfti að vinna sér sæti í úrslitum og náði þá besta kastinu í undankeppninni en Martha var komin í úrslitahlaupið um leið og hún náði lágmarkinu á EM. Kast Péturs í undankeppninni hefði dugað á pall en hann náði sér ekki eins vel á strik í úrslitunum.23. ágúst 1958 Það þarf aftur á móti að fara aftur um 58 ár til að finna sams konar stöðu og íslenskar frjálsar eru í í dag. EM í Stokkhólmi 1958 var nefnilega síðasta Evrópumótið þar sem tveir íslenskir keppendur, sem höfðu unnið sér sæti í úrslitum í undankeppni á mótinu, kepptu til úrslita á sama degi. Sá dagur var 23. ágúst 1958 og keppendurnir voru Vilhjálmur Einarsson í þrístökki og Gunnar Huseby í kúluvarpi. Vilhjálmur Einarsson varð þrettándi í undankeppninni en stökk 108 sentímetrum lengra í úrslitum þrístökksins og tryggði sér bronsverðlaun. Gunnar Huseby hafði unnið gull í kúluvarpinu á Evrópumótunum 1946 og 1950 en hann var þarna orðinn 34 ára gamall og varð að sætta sig við 17. sætið í úrslitunum 1958. Síðan hafa 22 íslenskir frjálsíþróttamenn keppt til úrslita en enginn þeirra í sérúrslitum á sama degi. Það er því stór stund á Ólympíuleikvanginum í Amsterdam í dag.
Frjálsar íþróttir Ólympíuleikar 2016 í Ríó Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Uppgjör: Grindavík - Njarðvík 79-83 | Grænar stálu heimavellinum í Smáranum Körfubolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ „Hver karfa skiptir máli þannig að ég varð smá reiður“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör: Grindavík - Njarðvík 79-83 | Grænar stálu heimavellinum í Smáranum „Ekki boðlegt á þessu getustigi“ „Mætum til Eyja á miðvikudaginn til þess að loka þessu“ „Ég skaut bara á markið og vonaði það besta“ Brunson skaut Philadelphia í kaf Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Fowler hjálpaði Man City að styrkja stöðu sína á toppnum Lærisveinar Freys lifa í voninni „Já ég hef skoðun á því, ég ætla bara ekki að segja hana“ „Veit ekki af hverju ég ætti að vera að láta mig detta“ Abraham bjargaði stigi sem gæti skipt Rómverja sköpum Uppgjör: Víkingur - KA 4-2 | Ekkert fær meistarana stöðvað Þrenna Orra Steins hélt titilvonum FCK á lífi Meistarar Man City halda í við topplið Arsenal Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann „Björn Daníel sagði mér að skjóta“ Lyon í úrslit Meistaradeildar Evrópu Valsmenn fyrstir í úrslit Evrópukeppni í 44 ár Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Arnór Ingvi skoraði það sem reyndist sigurmarkið Bournemouth fór illa með Brighton Arsenal vann kaflaskiptan Norður-Lundúnaslag Tuchel sár vegna ummæla Hoeness Sjá meira
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn