"Jöfn skipti á þjóðarkökunni er forsenda sáttar í samfélaginu til lengri tíma“

Miðstjórn Rafiðnaðarsambands Íslands mótmælir harðlega ákvörðun kjararáðs þar sem laun dómara eru hækkuðu 31,6 til 48,1 prósent núna um áramót. Hún krefst þess að stjórnvöld setji á hátekjuskatta til að stemma stigu við „ofurlaununum“.

Miðstjórnin setur hækkun launa dómara, sem eru um 300 – 560 þúsund á mánuði, í samhengi við „laun hins almenna launamanns,“ sem miðstjórnina segir einungis hafa hækkað um 30 þúsund krónur.

Sjá einnig: Dómarar fá tuga prósenta launahækkun

„Seðlabanki Íslands hefur ítrekað bent á að ígildi 10% af launahækkun dómaranna geti valdið efnahagslegum hamförum í samfélaginu hvað þá tíföld sú upphæð! Það gefur auga leið að vonlaust er að byggja upp samfélag með jafnmikilli stéttarskiptingu eins og raun ber vitni. Ákvarðanir um að deila meiri gæðum til þeirra sem meira hafa er óásættanlegt,“ segir í ályktun miðstjórnarinnar á heimasíðu Rafiðnaðarsambandsins.

„Hækkun launa í stjórnunarstöðum ýmissa fyrirtækja hér landi benda til þess að sama launastefna sé viðhöfð og áður en íslenskt efnahagskerfi hrundi. Við sáum þá að ofurlaunastefna fyrirtækjanna hafði ekkert með gæði fyrirtækjanna að gera og því er ekki ástæða til að ætla að svo sé nú,“ segir þar ennfremur.

Miðstjórn Rafiðnaðarsambandsins tekur þá einnig undir áskorun ASÍ til stjórnvalda um að tekið verði upp alvöru hátekjuskattur á ofurlaun.

„Það þarf að tryggja jöfn skipti í samfélaginu og ofurlaunastjórnendur sem eru aflögufærir eiga að leggja meira til samfélagsins. Jöfn skipti á þjóðarkökunni er forsenda sáttar í samfélaginu til lengri tíma!“ segir miðstjórninni sem vill skorar á stjórnvöld að skipa fulltrúa launafólks af almennum vinnumarkaði í kjararáð.

Sjá einnig: Krefjast þess að hátekjuskattur verði settur á dómara

Miðstjórn RSÍ tekur undir áskorun ASÍ til stjórnvalda um að tekið verði upp alvöru hátekjuskattur á ofurlaun. Það þarf að tryggja jöfn skipti í samfélaginu og ofurlaunastjórnendur sem eru aflögufærir eiga að leggja meira til samfélagsins. Jöfn skipti á þjóðarkökunni er forsenda sáttar í samfélaginu til lengri tíma! Miðstjórn RSÍ skorar á stjórnvöld að skipa fulltrúa launafólks af almennum vinnumarkaði í kjararáð.