Grunur um skotárás í hersjúkrahúsi í San Diego

Vitni segjast hafa heyrt þrjá skothvelli á lóð hersjúkrahúss í San Diego í Bandaríkjunum. Viðvörun var birt á Facebook síðu sjúkrahússins og var fólki ráðlagt að flýja, fela sig eða berjast. Stöðugur straumur lögreglubíla liggur nú að lóð sjúkrahússins.

Um er að ræða gríðarlega stórt sjúkrahús sem heitir Naval Medical Center San Diego. Samkvæmt CNN heimsóttu rúmlega 1,2 milljónir manns sjúkrahúsið árið 2014.

Ekki hefur fengist staðfest að skotárás hafi átt sér stað.

Uppfært 19.00: Herinn segir nú ekkert benda til þess að skotum hafi verið hleypt af og að vitnunum hafi sennilega skjátlast. Svæðið er enn til rannsóknar.

KORT Viðvörun NMCSD á Facebook

**!ATTENTION!** An active shooter has just been been reported in building #26 at Naval Medical Center San Diego. All...

Posted by Naval Medical Center San Diego (NMCSD) on Tuesday, January 26, 2016