Ólafur Guðmunds skoraði beint úr aukakasti þegar leiktíminn var liðinn - Myndband

Íslendingaliðið Kristianstad tapaði fyrir MOL-Pick Szeged, 29-21, í riðlakeppni Meistaradeildar Evrópu í handbolta.

Ólafur Guðmundsson gerði fimm mörk í leiknum. Arnar Freyr Arnarsson gerði fjögur og Gunnar Steinn Jónsson skoraði eitt.

Staðan í hálfleik var 15-12 en þegar leiktíminn var liðinn í fyrri hálfleiknum fékk Kristiandstad aukakast úti á miðjum velli. Ólafur Guðmundsson skoraði beint úr aukakastinu, hreint ótrúlegt mark sem sjá má hér að neðan.

Kristianstad hefur aðeins náð í einn sigur í B-riðlinum í Meistaradeildinni og er útlitið þar á bæ svart.

MUST SEE: @IFKKristianstad Olafur Gudmundsson finds his way through the @pickhandball wall in a seemingly desperate free throw #veluxehfcl pic.twitter.com/X68LEXw0Gp

— EHF Champions League (@ehfcl) November 19, 2016