Umfjöllun og viðtöl: Fylkir - Selfoss 0-0 | Selfyssingar fóru niður Ingvi Þór Sæmundsson á Flóridanavellinum skrifar 30. september 2016 18:45 Eftir að flautað var til leiksloka í kvöld. Vísir/Anton Selfoss er fallinn niður í 1. deild eftir markalaust jafntefli við Fylki í lokaumferð Pepsi-deildar kvenna í dag.Á sama tíma vann KR dramatískan sigur á ÍA og bjargaði sér þar með frá falli. Selfyssingar voru mun sterkari aðilinn í leiknum fram að rauða spjaldinu sem Sharla Passariello fékk á 54. mínútu fyrir að sparka í Ruth Þórðar Þórðardóttur. Leikurinn jafnaðist eftir rauða spjaldið en áður en það fór á loft hafði Selfoss átt fjögur skot í tréverkið hjá Fylki. Leikurinn datt niður eftir að Shörlu var vikið af velli og hvorugu liðinu tókst að skora sigurmarkið. Selfoss fylgir því ÍA niður í 1. deild en Fylkir spilar áfram í Pepsi-deildinni 2017.Af hverju varð jafntefli? Selfyssingar voru sjálfum sér verstir í leiknum í dag. Gestirnir spiluðu vel fram að rauða spjaldinu og fengu góð færi. Boltinn fór sem áður sagði fjórum sinnum í tréverkið hjá Fylki og þá fékk Lauren Hughes fjögur dauðafæri á fjærstönginni í fyrri hálfleik sem hún nýtti ekki. Eftir brottreksturinn datt leikurinn niður. En eftir að fréttirnar um að KR hefði skorað þriðja markið gegn ÍA bárust frá Akranesi þurftu Selfyssingar að blása til sóknar. Það var þó ekki sami slagkraftur í þeirra sóknarleik og fyrr í leiknum og aldrei kom markið.Þessar stóðu upp úr Miðverðir Selfoss, Brynja Valgeirsdóttir og Heiðdís Sigurjónsdóttir, áttu virkilegan góðan leik og höfðu betur í baráttunni við Kristínu Ernu Sigurlásdóttur, framherja Fylkis. Lauren var svo alltaf hættuleg en fór skelfilega illa með færin sín. Hjá Fylki áttu Sandra Sif Magnúsdóttir og Rut Kristjánsdóttir ágætis spretti.Hvað gekk illa? Sharla sefur eflaust ekki vel í nótt en rauða spjaldið sem hún fékk reyndist afar dýrkeypt. Selfyssingar voru svo á köflum klaufar upp við mark Fylkis en það, í bland við óheppni, kom í veg fyrir að liðinu tækist að skora. Sóknarleikur og uppspil Fylkis var ekki merkilegt. Boltinn var alltaf settur inn fyrir vörn Selfoss við fyrsta tækifæri og samleikskaflarnir hjá Árbæingum voru afar fáir.Hvað gerist næst? Fylkiskonur fagna og Selfyssingar drekkja sorgum sínum. Ætli það sé ekki einfaldast að segja það. Bæði lið ætluðu sér klárlega stærri hluti á þessu tímabili en hlutirnir gengu ekki upp. Það er sérstaklega mikið áfall fyrir Selfoss að falla en liðið endaði í 3. sæti Pepsi-deildarinnar í fyrra og komst í bikarúrslit 2014 og 2015. Liðið náði aldrei að fylla skörð Dagnýjar Brynjarsdóttur og Donnu Henry, Guðmunda Brynja Óladóttir spilaði lítið vegna meiðsla og óreyndur þjálfari virtist ekki ráða við verkefnið. Eftir góð ár er Selfoss því kominn aftur á byrjunarreit.Ruth Þórðar: Þetta hafðist Ruth Þórðar Þórðardóttur, fyrirliða Fylkis, var létt eftir að Árbæjarliðið bjargaði sér frá falli í 1. deild í dag. Fylkir gerði þá markalaust jafntefli við Selfoss sem fylgdi ÍA niður um deild. „Þetta var það sem við ætluðum okkur. Við vildum vinna leikinn í dag en jafntefli dugði, þannig að við erum mjög glaðar,“ sagði Ruth í samtali við Vísi eftir leik. Ruth fannst úrslitin í leiknum í dag sanngjörn. „Þetta var mikill baráttuleikur, mikið um tæklingar og baráttu á miðjunni. Ég myndi segja að þetta væru sanngjörn úrslit. Okkur langaði að skora og hefðum átt að nýta liðsmuninn betur,“ sagði Ruth. Á 54. mínútu fékk Sharla Passariello rauða spjaldið fyrir að sparka í Ruth. „Ég held hún hafi farið beint aftan í mig. Þetta var beint rautt,“ sagði Ruth. Hún segir að Fylkir ætli ekki að vera í fallbaráttu á næsta ári. „Nei, alls ekki. Við ætluðum heldur ekki að vera í fallslag á þessu tímabili, við ætluðum okkur stóra hluti en urðum fyrir miklum áföllum og vorum svolítið brothættar. En þetta hafðist og við verðum áfram í Pepsi-deildinni,“ sagði Ruth að lokum.Guðjón Bjarni: Erlendu leikmennirnir brugðust Guðjón Bjarni Hálfdánarson, þjálfari Selfoss, segir mikil vonbrigði að hafa fallið niður um deild. Hann sagði að útlendingarnir í liði Selfoss hefðu ekki staðið undir væntingum í sumar. „Við höfðum möguleika á að bjarga tímabilinu í dag. Auðvitað er svekkjandi að horfa á boltann fara í tréverkið ítrekað og okkur klúðra dauðafærum,“ sagði Guðjón eftir leik. Hann vildi fá meira og betra framlag frá erlendu leikmönnum liðsins í sumar. „Við misstum leikmenn í glugganum og hópurinn er lítill. Erlendu leikmennirnir okkar stóðu ekki undir væntingum og brugðust. Við gripum ekki nógu snemma inn í og það er vandamálið,“ sagði Guðjón. Einn af erlendu leikmönnum Selfoss, Sharla Passariello, fékk að líta rauða spjaldið eftir níu mínútna leik í seinni hálfleik. Það reyndist dýrt spaug. „Þetta var rautt spjald, ég ætli ekki að fegra það neitt. Hún var tekin niður og fylgir því eftir með því að sparka í hana. En dómararnir voru búnir að hleypa leiknum upp í þetta og voru svolítið að kalla á svona hegðun,“ sagði Guðjón að endingu. Pepsi Max-deild karla Mest lesið Líf Chaz á Íslandi gæti endað á Netflix Körfubolti Léku með eftirnöfn mæðra sinna á treyjunum Fótbolti Fékk flösku í hausinn í gær og mætti með hjálm í dag Sport Hálf áttræður Warnock gæti snúið aftur tveimur mánuðum eftir að hann hætti Fótbolti Dagskráin í dag: Stútfullur sófasunnudagur Sport Trúir að Burnley snúi aftur upp: „Er ekki að væla og vorkenna okkur“ Fótbolti „Núna skora ég á Njarðvíkinga að jafna baráttuna í stúkunni“ Körfubolti „Þetta eru leikirnir sem að maður vill spila“ Körfubolti Hólmbert upp í efstu deild en Ísak gæti enn farið beint upp Fótbolti „Gæti orðið spennandi verkefni að vera í botnbaráttu“ Fótbolti Fleiri fréttir Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Bláa flautan hjálpar bæði foreldrum og þjálfurum Rankaði við sér í sjúkrabíl: „Þekki hve alvarlegar afleiðingar þetta getur haft“ Uppgjör: Tindastóll - Fylkir 3-0 | Fyrsta tap nýliðanna Uppgjörið: Víkingur - Þór/KA 1-2 | Þrír norðansigrar í röð Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin Sjá meira
Selfoss er fallinn niður í 1. deild eftir markalaust jafntefli við Fylki í lokaumferð Pepsi-deildar kvenna í dag.Á sama tíma vann KR dramatískan sigur á ÍA og bjargaði sér þar með frá falli. Selfyssingar voru mun sterkari aðilinn í leiknum fram að rauða spjaldinu sem Sharla Passariello fékk á 54. mínútu fyrir að sparka í Ruth Þórðar Þórðardóttur. Leikurinn jafnaðist eftir rauða spjaldið en áður en það fór á loft hafði Selfoss átt fjögur skot í tréverkið hjá Fylki. Leikurinn datt niður eftir að Shörlu var vikið af velli og hvorugu liðinu tókst að skora sigurmarkið. Selfoss fylgir því ÍA niður í 1. deild en Fylkir spilar áfram í Pepsi-deildinni 2017.Af hverju varð jafntefli? Selfyssingar voru sjálfum sér verstir í leiknum í dag. Gestirnir spiluðu vel fram að rauða spjaldinu og fengu góð færi. Boltinn fór sem áður sagði fjórum sinnum í tréverkið hjá Fylki og þá fékk Lauren Hughes fjögur dauðafæri á fjærstönginni í fyrri hálfleik sem hún nýtti ekki. Eftir brottreksturinn datt leikurinn niður. En eftir að fréttirnar um að KR hefði skorað þriðja markið gegn ÍA bárust frá Akranesi þurftu Selfyssingar að blása til sóknar. Það var þó ekki sami slagkraftur í þeirra sóknarleik og fyrr í leiknum og aldrei kom markið.Þessar stóðu upp úr Miðverðir Selfoss, Brynja Valgeirsdóttir og Heiðdís Sigurjónsdóttir, áttu virkilegan góðan leik og höfðu betur í baráttunni við Kristínu Ernu Sigurlásdóttur, framherja Fylkis. Lauren var svo alltaf hættuleg en fór skelfilega illa með færin sín. Hjá Fylki áttu Sandra Sif Magnúsdóttir og Rut Kristjánsdóttir ágætis spretti.Hvað gekk illa? Sharla sefur eflaust ekki vel í nótt en rauða spjaldið sem hún fékk reyndist afar dýrkeypt. Selfyssingar voru svo á köflum klaufar upp við mark Fylkis en það, í bland við óheppni, kom í veg fyrir að liðinu tækist að skora. Sóknarleikur og uppspil Fylkis var ekki merkilegt. Boltinn var alltaf settur inn fyrir vörn Selfoss við fyrsta tækifæri og samleikskaflarnir hjá Árbæingum voru afar fáir.Hvað gerist næst? Fylkiskonur fagna og Selfyssingar drekkja sorgum sínum. Ætli það sé ekki einfaldast að segja það. Bæði lið ætluðu sér klárlega stærri hluti á þessu tímabili en hlutirnir gengu ekki upp. Það er sérstaklega mikið áfall fyrir Selfoss að falla en liðið endaði í 3. sæti Pepsi-deildarinnar í fyrra og komst í bikarúrslit 2014 og 2015. Liðið náði aldrei að fylla skörð Dagnýjar Brynjarsdóttur og Donnu Henry, Guðmunda Brynja Óladóttir spilaði lítið vegna meiðsla og óreyndur þjálfari virtist ekki ráða við verkefnið. Eftir góð ár er Selfoss því kominn aftur á byrjunarreit.Ruth Þórðar: Þetta hafðist Ruth Þórðar Þórðardóttur, fyrirliða Fylkis, var létt eftir að Árbæjarliðið bjargaði sér frá falli í 1. deild í dag. Fylkir gerði þá markalaust jafntefli við Selfoss sem fylgdi ÍA niður um deild. „Þetta var það sem við ætluðum okkur. Við vildum vinna leikinn í dag en jafntefli dugði, þannig að við erum mjög glaðar,“ sagði Ruth í samtali við Vísi eftir leik. Ruth fannst úrslitin í leiknum í dag sanngjörn. „Þetta var mikill baráttuleikur, mikið um tæklingar og baráttu á miðjunni. Ég myndi segja að þetta væru sanngjörn úrslit. Okkur langaði að skora og hefðum átt að nýta liðsmuninn betur,“ sagði Ruth. Á 54. mínútu fékk Sharla Passariello rauða spjaldið fyrir að sparka í Ruth. „Ég held hún hafi farið beint aftan í mig. Þetta var beint rautt,“ sagði Ruth. Hún segir að Fylkir ætli ekki að vera í fallbaráttu á næsta ári. „Nei, alls ekki. Við ætluðum heldur ekki að vera í fallslag á þessu tímabili, við ætluðum okkur stóra hluti en urðum fyrir miklum áföllum og vorum svolítið brothættar. En þetta hafðist og við verðum áfram í Pepsi-deildinni,“ sagði Ruth að lokum.Guðjón Bjarni: Erlendu leikmennirnir brugðust Guðjón Bjarni Hálfdánarson, þjálfari Selfoss, segir mikil vonbrigði að hafa fallið niður um deild. Hann sagði að útlendingarnir í liði Selfoss hefðu ekki staðið undir væntingum í sumar. „Við höfðum möguleika á að bjarga tímabilinu í dag. Auðvitað er svekkjandi að horfa á boltann fara í tréverkið ítrekað og okkur klúðra dauðafærum,“ sagði Guðjón eftir leik. Hann vildi fá meira og betra framlag frá erlendu leikmönnum liðsins í sumar. „Við misstum leikmenn í glugganum og hópurinn er lítill. Erlendu leikmennirnir okkar stóðu ekki undir væntingum og brugðust. Við gripum ekki nógu snemma inn í og það er vandamálið,“ sagði Guðjón. Einn af erlendu leikmönnum Selfoss, Sharla Passariello, fékk að líta rauða spjaldið eftir níu mínútna leik í seinni hálfleik. Það reyndist dýrt spaug. „Þetta var rautt spjald, ég ætli ekki að fegra það neitt. Hún var tekin niður og fylgir því eftir með því að sparka í hana. En dómararnir voru búnir að hleypa leiknum upp í þetta og voru svolítið að kalla á svona hegðun,“ sagði Guðjón að endingu.
Pepsi Max-deild karla Mest lesið Líf Chaz á Íslandi gæti endað á Netflix Körfubolti Léku með eftirnöfn mæðra sinna á treyjunum Fótbolti Fékk flösku í hausinn í gær og mætti með hjálm í dag Sport Hálf áttræður Warnock gæti snúið aftur tveimur mánuðum eftir að hann hætti Fótbolti Dagskráin í dag: Stútfullur sófasunnudagur Sport Trúir að Burnley snúi aftur upp: „Er ekki að væla og vorkenna okkur“ Fótbolti „Núna skora ég á Njarðvíkinga að jafna baráttuna í stúkunni“ Körfubolti „Þetta eru leikirnir sem að maður vill spila“ Körfubolti Hólmbert upp í efstu deild en Ísak gæti enn farið beint upp Fótbolti „Gæti orðið spennandi verkefni að vera í botnbaráttu“ Fótbolti Fleiri fréttir Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára „Hrafninn svífur yfir Vesturbænum“ Eysteinn ráðinn framkvæmdastjóri KSÍ Bláa flautan hjálpar bæði foreldrum og þjálfurum Rankaði við sér í sjúkrabíl: „Þekki hve alvarlegar afleiðingar þetta getur haft“ Uppgjör: Tindastóll - Fylkir 3-0 | Fyrsta tap nýliðanna Uppgjörið: Víkingur - Þór/KA 1-2 | Þrír norðansigrar í röð Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin Sjá meira