Leik ÍBV og Stjörnunnar frestað | Verður í beinni á morgun

Búið er að fresta leik ÍBV og Stjörnunnar sem átti að fara fram í Vestmannaeyjum í dag vegna veðurs. Stjarnan kemst ekki til Eyja og verður því að fresta leiknum til morguns.

Leikurinn verður spilaður klukkan 17.00 á morgun og verður þá í beinni útsendingu á Stöð 2 Sport HD.

Eyjamenn eru í bullandi fallbaráttu með 18 stig í tíunda sæti en Stjarnan er komin niður í sjötta sætið með 27 stig eftir fjóra tapleiki í röð.

Fimm leikir fara samt sem áður fram í Pepsi-deildinni í dag og hefjast fjórir þeirra klukkan 17.00. Þrír leikir af fimm verða í beinni útsendingu og í heildina fjórir af sex í umferðinni.

Leikir dagsins:

17.00 Víkingur Ó - Víkingur R

17.00 ÍA - KR (í beinni á Stöð 2 Sport)

17.00 Fylkir - FH (í beinni á Stöð 2 Sport 3)

17.00 Fjölnir - Þróttur

20.00 Valur - Breiðablik (í beinni á Stöð 2 Sport)