Lögreglan á höfuðborgarsvæðinu rannsakar hvort andlát ungs manns aðfaranótt sunnudags tengist neyslu fentanýls. Fentanýl er sterkt lyfseðilsskylt verkjalyf, mjög öflugt morfínlyf. RÚV greinir frá.
Maðurinn hafði verið á skemmtistað í miðbæ Reykjavíkur á Menningarnótt ásamt fleiri vinum. Þar á meðal var félagi hans sem að missti meðvitund og leikur grunur á að það tengist einnig neyslu á fentanýl. Báðir mennirnir eru á þrítugsaldri.
Fentanýl hefur verið töluvert í umræðunni undanfarið en töflur sem innihéldu fentanýl fundust meðal annars á dánarbeði tónlistarmannsins Prince sem lést í apríl síðastliðnum.
Lát ungs manns á Menningarnótt til rannsóknar
