Hjörvar níðist á starfsmanni danska knattspyrnusambandsins

Hjörvar Hafliðason, einn af umsjónamönnum Brennslunnar á FM957, spilaði skemmtilegt símtal sem hann átti út í danska knattspyrnusambandið.

Markmiðið með símtalinu var að níðast á Dönum þar sem landslið þeirra komst ekki á EM sem fram fer í Frakklandi síðar í þessum mánuði.

Hjörvar vildi endilega fá að vita hvað dönsku stuðningsmennirnir ætluðu sér að gista Í Frakklandi, til að þeir íslensku gætu hitt á granna sína. Starfsmaður danska sambandsins var nokkuð rólegur og tók vel í símtalið, en þrátt fyrir það er það virkilega fyndið.