Jeremy Clarkson kann varla að setja saman pappakassa

Jeremy Clarkson, fyrrum þáttastjórnandi Top Gear, veit eflaust mjög mikið um bíla og allt sem þeim tengist en hann virðist varla hafa hæfileikana í það að setja saman pappakassa.

Í myndbandi sem James May, kollegi Clarkson, birtir á YouTube-síðu sinni fær Clarkson það verkerfni að setja saman miðstærð af venjulegum pappakassa sem notaður er í póstsendingar. Átti hann að setja hann saman eins hratt og hann getur.

Það gekk vægast sagt ekki vel en hafðist þó á endanum. 

Von er á nýjum þáttum frá þríeykinu Clarkson, May og Richard Hammond í anda Top Gear þáttanna. Verða þeir sýndir á Amazon í haust. 

Svo virðist sem að áhorf á Top Gear eftir brotthvarf þeirra hafi hríðfallið en greint hefur verið frá því að helmingur færri horfi nú á Top Gear en áður á meðan þeir félagar voru við stjórnvölinn.