Kvöldfréttir Stöðvar 2 í beinni

Hér að ofan geturðu horft á kvöldfréttir Stöðvar 2 sem hefjast sem fyrr klukkan 18:30.

Í fréttatíma kvöldsins verður meðal annars greint frá niðurstöðum forsetakönnunar sem fréttastofa 365 lét framkvæma á dögunum og frambjóðendur teknir tali fyrir kappræðurnar sem hefjast að fréttatímanum loknum.

Bjarni Benediktsson, fjármálaráðherra, verður einnig spurður út í stöðu lífeyrissjóðanna og eignarhald þeirra á fjármálafyrirtækum.

Að sama skapi verður einnig varpað ljósi á afstöðu Framsóknarmanna til kosninga í haust. Síðustu daga hefur komið í ljós að formaður flokksins og forsætisráðherra eru ekki einhuga í málinu og það eru þingmenn flokksins ekki heldur.

Þá mun dansfrömuðurinn Helgi Tómasson einnig leiða okkur í allan sannleikann um sýningu San Francisco-ballettsins í Hörpu í tengslum við Listahátíð í Reykjavík.

Fréttatíminn hefst sem fyrr segir klukkan 18:30 og má horfa á hann hér að ofan.