Sjáðu allt viðtalið við David Moyes: „Margt sem má læra af Íslandi“ Tómas Þór Þórðarson skrifar 26. apríl 2016 06:00 David Moyes, fyrrverandi knattspyrnustjóri Everton og Manchester United, var hér á landi um síðustu helgi með fjölskyldu sinni en þessir miklu Íslandsvinir fögnuðu áttræðisafmæli föður hans, Davids Moyes eldri, á Íslandi. Moyes verður á meðal fyrirlesara á risastórri og alþjóðlegri ráðstefnu í Hörpu 11. maí sem nefnist á ensku Business and football. Yfir daginn verður fjallað um hvað atvinnulífið getur lært af fótboltanum undir heitinu Að skapa vinningslið.Sterk taug til Íslands „Ramón Calderón, fyrrverandi forseti Real Madrid, bað mig um að taka þátt í þessari ráðstefnu þegar ég hitti hann í Katar. Ég skildi ekki alveg hvaða tengingu hann hefur við Ísland en ég og fjölskylda mín höfum auðvitað sterka tengingu við Ísland. Því var ekkert annað í boði en að segja já,“ segir David Moyes, en hann gaf sér smástund til að ræða við blaðamann á hóteli vestur í bæ um helgina. „Ég hef ekki tekið þátt í svona viðskipta- og fótboltaráðstefnu áður en þessir tveir hlutir haldast alltaf meira og meira í hendur, sérstaklega á Englandi þar sem peningarnir eru svo miklir í boltanum. Ég geri mikið af því að ferðast og tala á ráðstefnum og halda fyrirlestra, sérstaklega fyrir þjálfara, en þetta er nýtt fyrir mér. En þó spennandi,“ segir Moyes.Þróun, ekki umbylting Á ráðstefnunni sjálfri verður Moyes í pallborði ásamt enska knattspyrnugoðinu Kevin Keegan og þeim Andra Þór Guðmundssyni, forstjóra Ölgerðarinnar, og Höllu Tómasdóttur, stofnanda Auðar Capital, þar sem þau ræða hvernig eigi að byggja lið frá grunni. Það þekkir Moyes vel frá rúmum áratug sem stjóri Everton. „Það var erfitt en nú hefur liðið verið meira og minna í efri hluta deildarinnar undanfarin ár. Þegar maður er að endurbyggja má ekki gera hlutina í of stórum skrefum heldur eru þetta litlir hlutir og smá framþróun í einu. Vonandi getur eitthvað af því sem ég segi hjálpað einhverjum, kannski þjálfurunum,“ segir Moyes sem upplifði síðar að stýra Manchester United. „Það er auðvitað allt öðruvísi því Manchester United getur fengið alla leikmenn heims. Það er allt annar veruleiki en ég var í hjá Everton þar sem ég hafði minna á milli handanna. Þar þurftum við að búa til söluvörur inni á vellinum. Þannig hlutir taka tíma en bæði Manchester United og Everton þurftu þróunarferli en ekki umbyltingu.“Ætlar að sjá Ísland spila Moyes er meira en lítið hrifinn af uppbyggingu íslenska fótboltans undanfarinn áratug eða svo og segir það hreint ótrúlegt að íslenska landsliðið verði á meðal keppenda á Evrópumótinu í Frakklandi í sumar. „Þetta er eitthvað sem þarf að gerast og hefur gerst í litlum skrefum. Þegar ég keyrði inn í Reykjavík frá flugvellinum sá ég fótboltahallirnar og nýju aðstæðurnar. Ég sá hvernig Ísland er smám saman búið að byggja upp sínar grunnstoðir. Fyrir 20 árum þegar ég var að koma hingað var bara hægt að spila fótbolta utandyra nokkra mánuði á ári,“ segir Moyes og bendir á að aðrir megi líta til minnstu þjóðarinnar sem komist hefur á EM. „Ísland hefur tekið miklum framförum og það er margt sem allir geta lært af Íslandi. Svona á að gera hlutina þegar byggt er til framtíðar. Það er alveg frábært að Ísland verður á EM,“ segir Moyes en heldur hann með Íslandi í sumar þar sem Skotar komust ekki til Frakklands? „Já, ég verð aðeins að vinna fyrir UEFA á EM og vonast til að sjá Ísland spila einn leik í París. En við Skotar erum byrjaðir að undirbúa okkur fyrir HM,“ segir David Moyes hlæjandi að lokum.Viðtalið í heild sinni má sjá í spilaranum hér að ofan. EM 2016 í Frakklandi Fótbolti Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ísak í einkaflugi út að semja við erkifjendurna Fótbolti Þór dregur liðið úr keppni í efstu deild Körfubolti Dagur Dan kallaður inn í íslenska landsliðið Fótbolti Walker í vandræðum og verður ekki áfram hjá City Enski boltinn Leiknir lætur þjálfarann fara Fótbolti Ólympíumeistarinn þarf að fara í kynjapróf til að fá að keppa Sport „Þetta er alvöru pakki og alvöru djobb“ Körfubolti Tottenham lætur fimm fara og festir fyrstu kaup sumarsins Enski boltinn Fleiri fréttir Í beinni: Paris Saint-Germain - Inter Milan | Úrslitaleikur Meistaradeildar Evrópu Kristian Nökkvi kominn með nýjan þjálfara Lið Loga fer illa af stað Walker í vandræðum og verður ekki áfram hjá City Arnór og Arnór meiddir rétt fyrir landsleikjahlé Ísak í einkaflugi út að semja við erkifjendurna Leiknir lætur þjálfarann fara Tottenham lætur fimm fara og festir fyrstu kaup sumarsins Mexíkó hyggst halda HM 2031 með Bandaríkjunum Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld Sjá meira
David Moyes, fyrrverandi knattspyrnustjóri Everton og Manchester United, var hér á landi um síðustu helgi með fjölskyldu sinni en þessir miklu Íslandsvinir fögnuðu áttræðisafmæli föður hans, Davids Moyes eldri, á Íslandi. Moyes verður á meðal fyrirlesara á risastórri og alþjóðlegri ráðstefnu í Hörpu 11. maí sem nefnist á ensku Business and football. Yfir daginn verður fjallað um hvað atvinnulífið getur lært af fótboltanum undir heitinu Að skapa vinningslið.Sterk taug til Íslands „Ramón Calderón, fyrrverandi forseti Real Madrid, bað mig um að taka þátt í þessari ráðstefnu þegar ég hitti hann í Katar. Ég skildi ekki alveg hvaða tengingu hann hefur við Ísland en ég og fjölskylda mín höfum auðvitað sterka tengingu við Ísland. Því var ekkert annað í boði en að segja já,“ segir David Moyes, en hann gaf sér smástund til að ræða við blaðamann á hóteli vestur í bæ um helgina. „Ég hef ekki tekið þátt í svona viðskipta- og fótboltaráðstefnu áður en þessir tveir hlutir haldast alltaf meira og meira í hendur, sérstaklega á Englandi þar sem peningarnir eru svo miklir í boltanum. Ég geri mikið af því að ferðast og tala á ráðstefnum og halda fyrirlestra, sérstaklega fyrir þjálfara, en þetta er nýtt fyrir mér. En þó spennandi,“ segir Moyes.Þróun, ekki umbylting Á ráðstefnunni sjálfri verður Moyes í pallborði ásamt enska knattspyrnugoðinu Kevin Keegan og þeim Andra Þór Guðmundssyni, forstjóra Ölgerðarinnar, og Höllu Tómasdóttur, stofnanda Auðar Capital, þar sem þau ræða hvernig eigi að byggja lið frá grunni. Það þekkir Moyes vel frá rúmum áratug sem stjóri Everton. „Það var erfitt en nú hefur liðið verið meira og minna í efri hluta deildarinnar undanfarin ár. Þegar maður er að endurbyggja má ekki gera hlutina í of stórum skrefum heldur eru þetta litlir hlutir og smá framþróun í einu. Vonandi getur eitthvað af því sem ég segi hjálpað einhverjum, kannski þjálfurunum,“ segir Moyes sem upplifði síðar að stýra Manchester United. „Það er auðvitað allt öðruvísi því Manchester United getur fengið alla leikmenn heims. Það er allt annar veruleiki en ég var í hjá Everton þar sem ég hafði minna á milli handanna. Þar þurftum við að búa til söluvörur inni á vellinum. Þannig hlutir taka tíma en bæði Manchester United og Everton þurftu þróunarferli en ekki umbyltingu.“Ætlar að sjá Ísland spila Moyes er meira en lítið hrifinn af uppbyggingu íslenska fótboltans undanfarinn áratug eða svo og segir það hreint ótrúlegt að íslenska landsliðið verði á meðal keppenda á Evrópumótinu í Frakklandi í sumar. „Þetta er eitthvað sem þarf að gerast og hefur gerst í litlum skrefum. Þegar ég keyrði inn í Reykjavík frá flugvellinum sá ég fótboltahallirnar og nýju aðstæðurnar. Ég sá hvernig Ísland er smám saman búið að byggja upp sínar grunnstoðir. Fyrir 20 árum þegar ég var að koma hingað var bara hægt að spila fótbolta utandyra nokkra mánuði á ári,“ segir Moyes og bendir á að aðrir megi líta til minnstu þjóðarinnar sem komist hefur á EM. „Ísland hefur tekið miklum framförum og það er margt sem allir geta lært af Íslandi. Svona á að gera hlutina þegar byggt er til framtíðar. Það er alveg frábært að Ísland verður á EM,“ segir Moyes en heldur hann með Íslandi í sumar þar sem Skotar komust ekki til Frakklands? „Já, ég verð aðeins að vinna fyrir UEFA á EM og vonast til að sjá Ísland spila einn leik í París. En við Skotar erum byrjaðir að undirbúa okkur fyrir HM,“ segir David Moyes hlæjandi að lokum.Viðtalið í heild sinni má sjá í spilaranum hér að ofan.
EM 2016 í Frakklandi Fótbolti Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ísak í einkaflugi út að semja við erkifjendurna Fótbolti Þór dregur liðið úr keppni í efstu deild Körfubolti Dagur Dan kallaður inn í íslenska landsliðið Fótbolti Walker í vandræðum og verður ekki áfram hjá City Enski boltinn Leiknir lætur þjálfarann fara Fótbolti Ólympíumeistarinn þarf að fara í kynjapróf til að fá að keppa Sport „Þetta er alvöru pakki og alvöru djobb“ Körfubolti Tottenham lætur fimm fara og festir fyrstu kaup sumarsins Enski boltinn Fleiri fréttir Í beinni: Paris Saint-Germain - Inter Milan | Úrslitaleikur Meistaradeildar Evrópu Kristian Nökkvi kominn með nýjan þjálfara Lið Loga fer illa af stað Walker í vandræðum og verður ekki áfram hjá City Arnór og Arnór meiddir rétt fyrir landsleikjahlé Ísak í einkaflugi út að semja við erkifjendurna Leiknir lætur þjálfarann fara Tottenham lætur fimm fara og festir fyrstu kaup sumarsins Mexíkó hyggst halda HM 2031 með Bandaríkjunum Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld Sjá meira