17 ára piltur látinn eftir umferðarslys á Holtavörðuheiði

Pilturinn sem slasaðist alvarlega í umferðarslysi á Holtavörðuheiði síðastliðinn laugardag er látinn. Þetta kemur fram í tilkynningu frá lögreglunni á Vesturlandi.

Tildrög slyssins voru þau að fólksbíll á norðurleið fór út af þjóðvegi 1 á Holtavörðuheiði og farþegi í aftursæti, sem ekki var í bílbelti, kastaðist út úr bifreiðinni er hún fór nokkrar veltur. Hann var fluttur á gjörgæsludeild Landspítalans þar sem hann var síðar úrskurðaður látinn. Pilturinn var á átjánda aldursári.

Ökumaður og farþegi í framsæti sluppu með minniháttar meiðsli. Ekki er hægt að greina frá nafni hins látna að svo stöddu en málið er til rannsóknar hjá lögreglunni á Vesturlandi.

Pilturinn sem slasaðist alvarlega í umferðarslysi á Holtavörðuheiði sl. laugardag er látinn. Tildrög slyssins voru þau...

Posted by Lögreglan Vesturlandi on Monday, 11 April 2016